ທ້າວອູສາຍປາວໃນການແຂ່ງຂັນໃນວັນທີ14ທັນວາ

ຕາມ​ຂ່າວCRI,​ໃນ​ການ​ແຂ່ງ​ຂັນ​ກັ່ງ​ຟູ​ຂອງ​ງານ​ເອຊຽນ​ເກ​ມ​ໂດ​ຮາ​ທີ່​ຈັດ​ຂຶ້ນ​ໃນ​ວັນ​ທີ14​ທັນວາ​ນີ້,ນາງ​ມາ​ຫິງ​ຈ່ວນ ນັກ​ກິລາ​ຈີນ​ຊິງ​ໄດ້​ແຊມ​ປຽນ​ຂອງການ​ຕີມວຍ​ສາງ​ສວນ​ເພດ​ຍິງ, ທ້າວ​ອູ​ສາຍ​ປາວຊິງ​ໄດ້​ຫຼຽນ​ຄຳ​ຂອງ​ການ​ຕີມວຍ​ນານ​ສວນ​ເພດ​ຊາຍ ນາງ​ມາວ​ຢາ​ສີ​ຊິງ​ໄດ້​ຫຼຽນ​ຄຳ​ຂອງ​ການ​ຕີມວຍ​ນານ​ສວນ​ເພດ​ຍິງ,​ທ້າວ​ອະ​ໄພ​ລັດ ນັກ​ກິ​ລາ​ລາວ​ຊິງ​ໄດ້​ຫຼຽນ​ເງິນ​ໃນ​ການ​ແຂ່ງ​ຂັນ​ກັ່ງ​ຟູ​ປະ​ເພດ​ສານ​ໂສວ​ເພດ​ຊາຍ​ລຸ້ນ​56​ກິ​ໂລ.

ວັນທີ14ທັນວານີ້,ນາງເຈິ້ງເຈແລະນາງອຽນຈື ນັກກິລາຈີນຊິງໄດ້ຫຼຽນຄຳໃນການ
ແຂ່ງຂັນເທັນນິສຍິງຄູ່

ວັນ​ທີ14​ທັນວາ​ນີ້,ຈະ​ມີ​ການ​ຊິງ​ເອົາ​ຫຼຽນ​ຄຳ39​ຫຼຽນ,ນັກ​ກິລາ​ຈີນ​ເປັນ​ໂຕ​ເກງ​ຈະ​ຊິງ​ໄດ້​ຫຼຽນ​ຄຳ​ໃນ​ການ​ແຂ່ງຂັນ​ລົດຖີບສະໜາມ,​ພາຍ​ເຮືອຢາງ​ເປັນ​ຕົ້ນ.

ຕາມ​ຂ່າວ​ແຈ້ງວ່າ,ທ່ານ​ຈິ່ມ​​ຮົງ​ຊິວ ນັກ​ກິລາສ.​ເກົາຫຼີ​​ໄດ້​ເສຍ​ຊີວິດ​ຍ້ອນ​ອຸບັດ​ຕິ​ເຫດໃນ​ການ​ແຂ່ງຂັນຂີ່ມ້າຂ້າມ​ອຸປະສັກຂອງ​ງານ​ເອຊຽນ​ເກ​ມ,ວັນ​ທີ14​ທັນວາ​ໄດ້​ຈັດ​ພິທີ​ປົງ​ສົບ​ຢູ່​ເຊ​ອຸນຂອງ​ສ​ເກົາຫຼີ.

ນັບ​ມາ​ຮອດ​ເວລາລາຍ​ງານ​ຂ່າວ​ນີ້,ຄະນະ​ນັກ​ກິລາ​ຈີນຊິງ​ໄດ້160​ຫຼຽນ​ຄຳ,81ຫຼຽນ​ເງິນ​ແລະ​63​ຫຼຽນ​ທອງ,ສືບ​ຕໍ່​ຄອງ​ອັນ​ດັບ​ໜຶ່ງ​ໃນ​ຕະ​ຕະ​ລາງ​ຫຼຽນ.ພ້ອມ​ກັນ​ນັ້ນ,​ຜົນ​ງານ​ດັ່ງ​ກ່າວ​ກໍ​ໄດ້​ຫຼາຍ​ກວ່າ​ຍອດ​ຈຳ​ນວນ​ຫຼຽນ​ຄຳ​ທີ່​ຄະ​ນະ​ນັກ​ກິ​ລາ​ຈີນ​ຊິງ​ໄດ້​ໃນ​ງານ​ເອ​ຊຽນ​ເກມ​ບູ​ຊານ​ປີ​2002.​ສ.ເກົາ​ຫຼີ​ຊິງ​ໄດ້​52​ຫຼຽນ​ຄຳ,​51​ຫຼຽນ​ເງິນ​ແລະ​77​ຫຼຽນ​ທອງ,​ເປັນ​ທີ​ສອງ,​ຍີ່​ປຸນ​ຊິງ​ໄດ້49​ຫຼຽນ​ຄຳ,​68​ຫຼຽນ​ເງິນ​ແລະ​73​ຫຼຽນ​ທອງ​ເປັນ​ທີ​ສາມ.