Den un investigacion di Landsrecherche e homber Glenn Ling a keda deteni, diamars. E investigacion aki di Landsrecherche, bao nomber di Tulipan, ta dirigi riba iregularidadnan cu a tuma luga na Arubahuis den e periodo di 2018 te cu 2021.
E sospechoso Ling tabata traha e tempo ey como director suplente di Arubahuis. E investigacion ta andando. Mas detencion no ta wordo exclui, segun e informacion ricibi for di Ministerio Publico.
E caso aki ta relaciona cu e investigacion grandi cu tin andando tambe riba ex-Minister Plenipotenciario Guilfred Besaril pa uzo indebido di fondonan di pais Aruba. A menciona cu ta investigando e caso aki basta luna caba, pero ta prome biaha tin un informacion oficial ta sali.
Informacion cu ta dispone di dje ta cu Besaril ta den proceso of a paga caba tur loke cu el a uza pa asuntonan personal. Sinembargo esaki no ta motibo pa e caso of investigacion no sigui.
