Durangoko Udalak publiko egin ditu San Fausto jaietara bideratutako diru kopuruak. "Herritarrei gardentasuna erakusteko helburuarekin", udalak bere web orrian ipini ditu ikusgai kopuru guztiak, atalka. Jakinarazi dutenez, "jaietako aurrekontuaren herena" azpiegituratarako, musikarako eta animazioetarako erabili zen. Zezenak Dira sokamuturraren gastua 29.131 eurokoa izan zela, eta zezen plazarena 7.260 eurokoa izan zela zehaztu dute.
Udalak defendatu duenez, "gardentasuna ez da balio bat soilik, demokraziaren funtsezko printzipio bat ere bada". Horrez gainera, honako hau ere adierazi dute: "Gobernu gisa, baliabideak modu eraginkor eta bidezkoan administratzeko ardura dugu, eta herritarrei baliabide horiek guztion onurarako nola erabiltzen diren jakinarazteko erantzukizuna.
Honako datu hauen berri eman dute:
2023ko SAN FAUSTO JAIETAKO GASTUAK:
EKINTZA TRADIZIONALAK | "Zezenak dira" | 29.131,19€ | 65.070,80€ |
Zezen plaza | 7.260,00€ | ||
Besteak (artopilak, txalaparta, su artifizialak, bertsolariak, artisauen azoka...) | 28.679,61€ |
MUSIKA ETA DANTZAK | Ezkurdiko kontzertuak | 86.015,20 € | 125.205,86 € |
Besteak (musika eta dantzak) | 39.190,66€ |
KALE ANIMAZIOAK | Musika ibiltaria | 21.132,00€ | 39.781,50€ |
Antzerkia, dantza, umore ikuskizunak... | 18.649,50€ |
UMEAK ETA GAZTERIA | Umeentzako parkeak | 13.400,00€ | 19.271,60€ |
Umeentzako eta gazteentzako ekintzak | 5.709,25€ |
AUZOETAN EGINDAKO EKINTZAK | Otamotzena, San Fausto, Tabira, Madalena, Muruetatorre | 14.176,10€ | 14.176,10€ |
KIROL EKINTZAK | Actividades deportivas | 1.500,00€ | 1.500,00€ |
AZPIEGITURAK | Gurutze Gorria, komunak, eszenatokiak, aulkiak, instalazio elektrikoak. | 87.749,32€ | 135.581,76€ |
Langileak (muntaketa, soinua, ekoizpena, segurtasuna) | 36.316,59€ | ||
Publizitatea eta informazioa etxerik etxe bidaltzea | 7.357,51€ | ||
Besteak | 4.159,34€ |
SORTZAILEEN FAKTURAZIOA | SGAE, AGEDI | 12.033,09 € | 12.033,09€ |
JAI BATZORDEA | Jai batzordea | 1.025,98 € | 1.025,98€ |
Guztira: 413.646,70 euro