‘Oparitu Eibar’ txartelaren bidez tokiko merkataritzaren kontsumoa bultzatzeko kanpaina berria aurkeztu da gaur. ‘Oparitu Eibar’ txartelak erosten dituztenen artean 1.000 €-rainoko txartelak zozketatuko dira. Ekimena, Vanesa Hortasek, Garapen Ekonomikoko zinegotziak, aurkeztu du Eibarko Udaletxean, Jesus Maria Garcia de Cos Eusko Jaurlaritzako Turismo eta Merkataritza sailburuordearekin eta Eibar Merkataritza Gune Irekiko eta Rural Kutxako ordezkariekin batera.
