Ĉina vicĉefministro Ding Xuexiang merkrede diris, ke Ĉinio firme subtenas Turkmenion por protekti siajn suverenecon, sendependecon kaj teritorian integrecon kaj sekvi disvolvan vojon taŭgan al siaj naciaj kondiĉoj.

Ding, kiu faris viziton al Turkmenio de mardo ĝis merkredo, faris la rimarkojn dum la renkontiĝo kun turkmena prezidento Serdar Berdimuhamedov en Aŝĥabado, ĉefurbo de Turkmenio.

Rimarkinte, ke Ĉinio estas fidinda amiko kaj partnero de Turkmenio, Ding, ankaŭ membro de la Konstanta Komitato de la Politika Buroo de la Centra Komitato de la Komunista Partio de Ĉinio, alte esprimis pri la atingo farita de la du flankoj sub la gvidado de la du ŝtatestroj.

Ding diris, ke Ĉina-turkmena kunlaboro estas tre komplementa, kaj havas grandegan potencialon kaj larĝajn perspektivojn, kaj alvokis la du flankojn ekspluati kunlaboran potencialon, daŭre profundigi kaj plivastigi kunlaboron en ŝlosilaj aspektoj kaj turni la grandan planon prezentitan de la gvidantoj de la du landoj en realajn rezultojn, por pli bone profitigi la du popolojn.

Ding diris, ke Ĉinio pretas kunlabori kun Turkmenio kaj aliaj centraziaj landoj por senĉese antaŭenigi la konstruadon de la kunlabora mekanismo de Ĉinio kaj Centra Azio.

Berdimuhamedov petis Ding transdoni sian koran saluton al ĉina prezidanto Xi Jinping, kaj diris, ke la ĉiuflanka kunlaboro inter la du landoj estas strategia, longdaŭra kaj speciala.

Berdimuhamedov diris, ke Turkmenio pretas labori kun Ĉinio por plibonigi strategian komunikadon, profundigi kunlaboron en ĉiuj kampoj kaj antaŭenigi sian ampleksan strategian partnerecon kun Ĉinio al nova alteco.

Dum sia vizito, Ding ankaŭ interparolis kun vicĉefministro kaj ministro pri eksterlandaj aferoj de Turkmenio Rashid Meredov, kaj kunprezidis kun Meredov la sesan Kunvenon de la Ĉina-Turkmena Kunlabora Komitato.

La du flankoj havis profundan interŝanĝon de opinioj dum la renkontiĝo kaj planis prioritatojn de kunlaboro inter la du landoj en la sekva fazo.

Post la renkontiĝo, Ding kaj Meredov atestis la subskribon de serio da kunlaboraj dokumentoj, inkluzive de tiuj pri profundigo de sciencteknika kunlaboro kaj pri internacia vojtransportado.