Deialdiaren helburua Arabako merkataritza sektoreko autonomoei eta enpresei laguntzea da.
Dirulaguntzak bi lerrotan emango dituzte: batetik, gastu arruntak ordaintzeko; eta, bestetik, inbertsioetarako. Erakunde onuradunak izan daitezke: langile autonomoak, baldin eta gehienez ere zortzi enplegatu badituzte; sozietate zibilak edo ondasun erkidegoak, gehienez ere bederatzi autonomoz osatuak; eta merkataritza sozietateak, baldin eta enpresan dituzten partaidetzak autonomoen araubide berezian kotizatzen duten gehienez ere bederatzi langileri badagozkie.
Eskaerak aurkezteko epea 2021eko apirilaren 9an amaituko da, 14:00etan. Eskaerak elektronikoki aurkeztu beharko dira, Aldundiaren erregistro elektronikoan.