Txotx sasoi honetan, Astigarragan izan dira bedoñarrak, bazkaltzen eta Sagardoaren Museoa bisitatzen. "Lan kontuak eta eguneroko gorabeherak direla-eta, auzoan harremanak lantzeko aukera gutxi daukagu: auzoko jaiak izan ezik, ez dugu auzoan elkartzeko ohiturarik. Auzoko harreman horiek trinkotze aldera irteera hori egitea pentsatu genuen", diote bedoñarrek.
Kontatu dute, baita ere, lehenengo aldiz, Santa eskean atera direla aurten auzotarrak eta Tai-Chi ikastaroa egiten dabiltzala orain.
Horrez gainera, aurrerantzean antzeko gehiago egingo dituztela iragarri dute: Internet ikastaroa, baratzeko produktuak kontserbatzearen gainekoa, baratze biologikoak, sukaldaritza, masajea, eskulanak eta besteak beste, Zuberoara irteera bat dute aurreikusita.