Bost urte pasa dira Arrasaten azkenekoz zarzuela bat egin zutenetik, eta aurten berritasunekin aurkeztu dira Izaskun Murgia Elkarte Lirikoko kideak. Elkartearen ibilbidea laburbiltzen duen zarzuela antzeztu dute estreinakoz, Antologia de la zarzuela izenpean. Oraingoan, gainera, Cristina Cubillo lehenengoz eta Edu Azurmendi aritu dira zuzendari lanetan.
Herritarrek gogotsu hartu dute zarzuelaren buelta, eta horri esker, gaurko eta biharko sarrerak agortuak daude jadanik. Bihar izango da Elkarte Lirikoak eskainiko duen azken ikuskizuna, 19:30ean Amaia Antzokian.
