କରୋନା ବିଗାଡି ଦେଲା ପାକିସ୍ତାନର ଖେଳ : ପାକିସ୍ତାନ-ୱେଷ୍ଟଇଣ୍ଡିଜ ଦିନିକିଆ ସିରିଜ ସ୍ଥଗିତ
ଇଣ୍ଡିଜ କ୍ୟାମ୍ପରେ ୫ ଖେଳାଳି ପଜିଟିଭ୍ ଚିହ୍ନଟ ହେବା ପରେ ଘୁଂଚିଲା ଦିନିକିଆ ସିରିଜ
କନକ ବ୍ୟୁରୋ : ଖେଳ ବିଗାଡିଦେଲା କରୋନା । ପାକିସ୍ତାନ-ୱେଷ୍ଟଇଣ୍ଡିଜ ଦିନିକିଆ ସିରିଜରେ କରୋନା ପଶିବା ପରେ ଏହି ସିରିଜ ସ୍ଥଗିତ ହୋଇଯାଇଛି । ଏହି କରୋନାର ପ୍ରବେଶ ପରେ ପାକିସ୍ତାନ-ୱେଷ୍ଟଇଣ୍ଡିଜ ମଧ୍ୟରେ ଖେଳାଯିବାକୁ ଥିବା ଦିନିକିଆ ସିରିଜକୁ ସ୍ଥଗିତ ରଖାଯାଇଛି । ଏହି ଦିନିକିଆ ସିରିଜ ଆସନ୍ତାବର୍ଷ ଜୁନ୍ ମାସରେ ଖେଳାଯିବାକୁ ବର୍ତମାନ ନୂଆ କାର୍ଯ୍ୟସୂଚୀ ସ୍ଥିର ହୋଇଛି । ଏନେଇ ପାକିସ୍ତାନ କ୍ରିକେଟ ବୋର୍ଡ ଏବଂ ଇଣ୍ଡିଜ କ୍ରିକେଟ ବୋର୍ଡ ମଧ୍ୟରେ ଆଲୋଚନା ହୋଇଛି । ଦୁଇ ବୋର୍ଡ ମିଳିତ ଭାବରେ ଏନେଇ ବୟାନ ଜାରି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ବୟାନରେ କୁହାଯାଇଛି କି ଗୁରୁବାର ସକାଳେ ପିସିବିର କରୋନା ପ୍ରୋଟକଲ ଅନୁସାରେ ୱେଷ୍ଟଇଣ୍ଡିଜର ଶେଷ ୧୫ ଖେଳାଳିଙ୍କ ମଧ୍ୟରୁ ୬ ଜଣ ଖେଳାଳି ଓ ୬ ସପୋର୍ଟ ଷ୍ଟାଫଙ୍କ ଠାରେ କରୋନା ପରୀକ୍ଷା କରାଯାଇଥିଲା । ସମସ୍ତଙ୍କ ରିପୋର୍ଟ ନେଗେଟିଭ୍ ଆସିଛି । ତେବେ ପ୍ରଥମେ ୱେଷ୍ଟଇଣ୍ଡିଜ ଦଳର ୩ ଜଣ ଖେଳାଳି ଏବଂ ୨ ଜଣ ସପୋର୍ଟ ଷ୍ଟାଫଙ୍କ ଠାରେ କରୋନା ଭୂତାଣୁ ମିଳିଥିଲା । ୱିକେଟ କିପର ସାଏ ହୋପ, ସ୍ପିନର ଅକିଲ ହୁସୈନ, ହରଫନମୌଲା ଜଷ୍ଟିନ ଗ୍ରୀବ୍ସଙ୍କ ଠାରେ ପିସିବି ଦ୍ୱାରା କରାଯାଇଥିବା କରୋନା ପରୀକ୍ଷଣରେ ପଜିଟିଭ୍ ଆସିଥିଲା ।
ଆସନ୍ତା ୧୮ ଡିସେମ୍ୱରରୁ କରାଚିରେ ଦୁଇ ଦେଶ ମଧ୍ୟରେ ତିନି ମ୍ୟାଚ ବିଶିଷ୍ଟ ଦିନିକିଆ ସିରିଜ ଖେଳାଯିବାକୁ ଥିଲା । କରୋନା କାରଣରୁ ଦୁଇ ଦେଶ ମଧ୍ୟରେ ଖେଳାଯିବାକୁ ଥିବା ଦିନିକିଆ ସିରିଜକୁ ସ୍ଥଗିତ ରଖି ଏହାକୁ ୨୦୨୨ ମସିହା ଜୁନ୍ ମାସରେ ଖେଳାଯିବାକୁ ନୂଆ ସମୟ ଧାର୍ଯ୍ୟ କରାଯାଇଛି ।