Minister Koeiman a hasi un bishita na diferente Sentronan di Bario ku ta den renobashon
Minister Koeiman a hasi un bishita na diferente Sentronan di Bario ku ta den renobashon
Geplaatst op 25 October 2020 dor di Ministerio Desaroyo Sosial, Labor i Bienestar
i por bisa ku e trabounan ta avansando satisfaktoriamente.
Willemstad – Resientemente minister Koeiman huntu ku algun kolaboradó di su gabinete i tambe trahadónan di e Ministerio di SOAW a hasi un bishita na tres Sentro di Bario ku ta den renobashon. Ta trata di Sentro di Bario di Brievengat, Gibraltar i di Kustbatterij.
Minister Koeiman a tuma nota ku e trabounan ta avansando i ku ta den e fase kulminatorio, probablemente pa final di e aña aki Sentro di Bario Gibraltar i Kustbatterij lo ta finalisá pa entregá na e habitantenan. E renobashon di Sentronan di Bario ta kuadra netamente ku e vishon di e ministerio SOAW, ku lo mester fungi komo un plataforma di desaroyo, rekreashon i edukashon pa habitantenan di e bario di tur edat.
Sentronan di Bario mester bira aktivo ku programa di aktividatnan ku ta na interés di e bario den su totalidat i kaminda formashon i dibertishon ta sinkronisá. Esaki mester ta basá riba un programa anual ku ta sali for di e vishon pa ku desaroyo di e bario i pa esei mes ta importante pa habitantenan ta aktivo den e maneho di e Sentro di Bario.
E parti físiko sin e parti humano no ta duna resultado i pa esei mester di hendenan di bario bon prepará i ku amor pa nan bario pa duna bida duradero na e Sentro di Bario.
