Фон дер Лајен: Неопходна е истрага за кинеските субвенции за електрични возила

Европската Унија треба да ја истражи поддршката на Кина за електричните возила и огромните субвенции што таа ѝ ги дава на индустријата, рече претседателката на извршната власт на Унијата.

„Ние ја сакаме конкуренцијата, но таа мора да биде фер конкуренција“, рече претседателката на Европската комисија, Урсула фон дер Лајен, во интервју за „Блумберг“. „Гледаме огромни субвенции во секторот за електрични возила во Кина, што значи дека нашите терени за игра не се рамни“.

Минатата недела комисијата објави истрага што може да доведе не само до царини за увоз на електрични возила произведени во Кина туку и до одмазда од Пекинг. Истрагата на ЕУ може да ги разниша трговските врски со втората по големина економија во светот, додека постојат ризици за синџирите на снабдување и националната безбедност.

Bloomberg Mercury

Пекинг го нарече потегот, кој може да предизвика увозни царини за кинески возила, „гол чин на протекционизам“. Доколку се воведат царини, најсилниот одговор на Кина ќе биде ограничување на пристапот до нејзиниот огромен пазар, нешто што најтешко ќе ги погоди германските производители на автомобили, кои продадоа 4,6 милиони автомобили таму минатата година.

„Шефот за трговија на Европската Унија, Валдис Домбровскис, наскоро ќе отпатува во Кина за да разговара за прашања околу субвенциите за електрични возила“, рече Фон дер Лајен.

Германската министерка за надворешни работи Аналена Бербок за „Блумберг“ во неделата изјави дека ЕУ мора да ја намали зависноста од Кина и да поддржи истрага за електрични возила. „Ако сте премногу блиску, тоа може да ве загрози“. Таа додаде дека е неопходно да се намали зависноста од земја како Русија, која ја нападна Украина, но и дека сега тоа е неопходно во однос на Кина.

Истрагата е првиот конкретен чекор во борбата против конкурентската државна поддршка за зелените технологии по повеќе од една година постојано зголемување на субвенциите во САД, Кина, Велика Британија и Европа.

Истрагата за електрични возила против Кина е дел од поширокиот напор на ЕУ да се справи со „ризикот“ без исклучување. Тоа претходно вклучуваше ограничување на продажбата на напредни полупроводници и спроведување извозни контроли поврзани со квантно пресметување и вештачка интелигенција.

Кина е најголемиот пазар за „Фолксваген“ и другите германски производители на автомобили, така што задевањето со Пекинг може да биде ризично. БМВ го увезува својот „iX3“ од Кина, а наскоро ќе следуваат и модели „мини“. Производителот на автомобили со седиште во Минхен минатата година оствари 33 отсто од својата оперативна добивка во Кина, по што следуваат „Порше“ и „Мерцедес-бенц“, според аналитичарите на „Ситигруп“ (Citigroup Inc.) од крајот на минатиот месец.

 

 

Во моментов нема коментари за веста. Биди прв да коментира...

Остави коментар