Roedd tân mewn meithrinfa Gymraeg ar ystad ddiwydiannol yng Nghasnewydd nos Sul. 

Mewn neges ar y cyfryngau cymdeithasol, dywedodd meithrinfa Wibli Wobli yn ardal Tŷ-du (Rogerstone): "Ein meithrinfa hardd a beth sydd ar ôl ohoni nawr.  

"Hollol dorcalonnus i'n holl staff, plant a rhieni. Mae tudalen Gofundme wedi'i sefydlu rhannwch os gwelwch yn dda. 

"Rydym hefyd yn awr yn chwilio am adeilad arall o amgylch Tŷ-du. Diolch yn fawr."

Image

Ychwanegodd bradgy y Tiny Rebel fod yna "dân enfawr wedi digwydd yn yr adeilad wrth ymyl ein bragdy". 

"Mae'r arwyr yng Ngwasanaeth Tân ac Achub De Cymru yn delio gyda'r tân ar hyn o bryd," meddai'r llefarydd.

"Yn ffodus, mae'r bragdy yn iawn ac ar hyn o bryd, dyw'r tân ddim wedi effeithio arnom."

Inline Tweet: https://twitter.com/RondelRoss/status/1746645172006322595?s=20

Ychwanegodd y gwasanaeth tân bod nifer o griwiau yn delio gyda'r digwyddiad yn Stad Ddiwydiannol Wern.

"Rydym yn gofyn i drigolion lleol gadw eu ffenestri a'u drysau ar gau yn sgil y mwg," medden nhw. 

Fe wnaeth Heddlu Gwent gynghori pobl i osgoi'r ardal a dod o hyd i ffyrdd eraill ar gyfer eu teithiau. 

Llun gan Darren Thomas Photography.