Aki ta sigui e susesonan ku na nos pareser a kousa mas estrago na 2015 den bo Resúmen di siman. Tene na kuenta ku Resúmen di siman a kuminsá ofisialmente na yüni 2015 riba nos website.

Yüni

CITO toets

Entretantu gran parti di e resultadonan pa CITO toets ta konosí. Feesbuk ta pestá ku mayornan indikando ku nan yu a slag pa HaaVoow. Naturalmente bo mag di ta orguyoso di e logro aki pero manera hóbennan popularmente sa bisa ‘calm des fucks down’.

Tin muchanan ku a slag pa VSBO ku ta sinti nan mes malu na momentu ku konfrontá nan ku tipo di selebrashon nan eksagerá asina.

Dus maske:
• El a slag pa Haavoow
• Su amiganan yama Sophia i Astrid
• Su ‘kòzen’ ta biba na L.A
• E ta baila balèt, hunga tènes i traha cupcake na Seru Boca Estate

Por fabor hasi normal.

Polis le sènk di apel

E tópiko di polis ‘Senk di apel a sali kompletamente for di man. Via di Yves Guillame Cooper su inbox a bolbe drenta un potrèt kaminda por mira un agente polisial di un postura bastante formal. Aparte di e reakshonnan di Yves su siguidónan, famia i konosínan di e agente tambe a reakshoná bisando:

‘Hombu grandi bo ta swa… Basti keda humilia hende swa. By the way Yves Cooper, wak bo inbox, ma manda potret di mamai riba basora… Post esei tambe 😉’

‘Habri bo …. Anto bo ta mira kon e ta zeeapple pa bo laga tur su gordura keda den bo ….. bon tin nada di pp ku bo ….. serele.’

‘Yves Guillame Cooper esaki ta pabo basta ke koi …… nan aki paso bomes nota perfekto.

‘es Ora ey bai den ….. Bo mama ku E Zee Appel ey kubo ….. ku tur …. . No sinta bati ….. . Buska pa konosr Ami personal anto es ora bo ta sa ta kiko tin ku pusha den ….. .

Yves Cooper su inbox ta un spil di nos komunidad. Si bo ke sa kiko ta biba den dje djis lesa ‘den mi inbox’.

 

Señora Kolombiana agredí pa polis

Abogado Saleh-Kostrzewski den un komunikado pa prensa ta indiká ku na ningun momento su kliente a pidi pa papia ku un periodista. Su kliente a keda asombrá di tende ku minister di hustisia a duna pèrmit pa esaki.

Ahora la cosa viene. E periodista en kestion ta nada mas i nada menos ku Yves Cooper mihó konosí komo El terror del llano. Yves a kontrarestá e abogado su komunikado kibrando ku e kódigo di anonimidat i bisando:

‘Olga mi ta tag bo den e post aki pa mi bisa bo públikamente pa bo no pompa ku mi. Bo ta haña bo den un kos ku bo no ta bai lubidá NUNKA mas. Pues mihó kos ku bo por hasi ta put bo act together i wak kiko bo ta skirbi. No hasi wega ku mi Olga. Mi por bo Anto mi por bo MI SO!’

Na final Yves a manda e siguiente mensahe pa Frans i pa tur hende ku no ta konfi’e mas:

‘TUR HENDE inkluso ABO ku no ta konfia mi mas bai flit for di awe. No FUCKING konfia mi nunka mas’

‘Bo ta kere poko kaka ku mi no sa kua patu a brui nan ta gaña riba mi anto mi tin ku sera mi smul? Fuck bo Frans!’

Zing een liedje voor hem Olga en Frans. Het leven gaat zo snel voorbij, dus zing en vergeet alstublieft de tijd.

 

Egbert tata kalakuna

Egbert ta nòmber di e hòmber ku djadumingu pasá a bira famoso den un tempu rèkert. Riba wall di Yves Guillame Cooper un yu di dje a bisa lo siguiente:

Bo mes por komprondé ku un tipo asina ta den krili su wela. Naturalmente nos a tende un banda so di e medaya pero esaki sigur no ta e manera di trata un yu.

Egbert nos ta desea bo forsa.. hopi forsa paso e dianan benidero, lo bo tin mester di dje.

Yüli

Pelea entre dos hòmber den Otrobanda

Un diskushon ku kuminsá den un Kasino a kulminá den un pelea formal. Dos bon samaritano ku a bai intervení entre e dos hòmbernan a kome un áwaseru di moketa komo agradesimentu. Un di nan a hasta risibí un nòkout fulminante.

Polis a presentá pa tuma nota di loke a sosodé i tambe mester a pidi presensia di ambulans pa atendé ku e heridonan. Boso a tuma nota di un detaye pekuliar ? Ta trata aki di un simpel pelea. Sin hinkamentu òf tiramentu i esaki sinseramente ta duna nos speransa. Naturalmente lo tabata mihó si e pelea por a keda evitá pero nos ta kontentu ku a bringa man na man.

 

Ta bon pa Tele Curaçao tuma nota di e suseso aki. E lo ta un bon atkisishon pa e spòt di É Bon Yu di Kòrsou. Por ehèmpel:

Hugo Lew Jen Tai (stèm):

É Bon Yu di Kòrsou no ta uza arma durante di un pelea. E ta tira moketa, kibra djente, blousa wowo i hincha lep. Despues e ta laba su man paso É Bon Yu di Kòrsou ta un persona higiéniko !

 (jingle)

Insel Air ta lansa grupo di Karnaval Ata Insel

Pa selebrá su di 10 aña Insel Air ta lansa grupo di Karnaval Ata Insel. E servisio di Insel Air ta muchu mas mihó awendia i esei klaramente ta sòru pa kos nobo. Segun Insel Air despues di a sirbi, a yega ora pa disfrutá i tambe selebrá. E trahe kreativo ta karga e nòmber di ‘lokura di Insel’. Diseñadó di e trahe ta miembronan di e direktiva den koperashon ku Ludgene Balentien.

Di un banda ta nos ta haña fantástiko ku Insel Air kontinuamente ta aportá na nos Karnaval. Pabien, danki, chapeau. Awó ke tal si e mesun energia wòrdu hinka den e servisio diario na su klientenan ? Nos no ta papiando di e servisio unabes bo ta na bordo si no e trabuko promé ku esaki.

Retraso, mas retraso, hopi retraso i un kantidat enorme di retraso. Sigur e vuelonan entre Kòrsou, Boneiru i Aruba kada bes ta retrasá. Aki nan si ta masha poko bia bo por yega aeropuerto i bisa ‘Ata Insel’. En bes di esaki bo ta bisa ‘Kos pa Awe si Insel’.

Pero laga nos tene e kos aki positivo. Karnaval 2016 ta bai bira e aña di ‘Ata Insel’. Spera nan manera nos ta spera vuelo 7I 341 kasi tur siman. E ta bin lat si.. pero e ta bin BON !

Novela rondó di Ava Airways

E novela rondó di Ava Airways ta sigui. E biaha aki ta toka turno na mikrofonista Richeron Balentien pa hunga su parti. Durante un rueda di prensa ku minister Susanne Camelia Romer, Richeron a indiká ku e la papia ku Ollivier Arrindell i e último aki a bisé ku AVA lo pone un ultimatum pa e minister.

Segun Giovani Atalita CEO di AVA Airways, na ningun momento Olivier Arrindell a papia ku Richeron tokante un ultimatum i e ta lamentá ku di e manera aki ta malinformá un mandatario.

Atalita a sigui bisa:

“último biaha nan a topa otro na Boog nan di Otrobanda kaminda mas lat anochi Richeron Balentien a app mi kobando ami ku Olivier su mama. AVA Airways NUNKA a pone ultimatum.”

For di chikí nos a lanta tende ku “lokura por kura pero idea si hamas de los hamases”. Ora bo tin “idea” bo mente ta produsí un gran kantidat di fekalia kontinuamente. Na final esaki ta sòru pa un mundu di fantasia den kual bo persona ta e protagonista prinsipal.

Mundu médiko ta diagnostiká personanan den un estado mental manera ariba deskribí ku Messias Complex.

Nos ta urgi tur e dos tiponan aki pa bai nan dòkter di kas i hasi e chekeonan nesesario pa evitá lo peor.

Hòmber ta estafa damanan Bògi bògi

Anthony Victor Mercera ta un hòmber di 52 aña. Na e edat ei bo bida probablemente lo ta yena ku aktividatnan positivo, trabounan boluntario i kisas un miembresia na un klup di bolas. Den e kaso aki Anthony a opta pa ser un echadó di baina.

E tin un talento enorme pa kombersá tokante palabra di Dios ku damanan soltero òf ku ta pasando den sierto difikultat. Tur esaki ku e intenshon pa logra konkista e damanan aki su kurason. Na momentu ku e logra su meta e ta sòru pa su víktima bin biba serka dje i asina e ta hanja chèns di hink’e den debe formal.

Segun un di su víktimanan:

“E ta ganja ku e no tin muhe ni Yunan kaminda e ta jen yu. ta un maniak e ta mas ku 200 muhe e ta app i ganja pareuw. E ta kla pa juda e ta lief pero ta un demonio ku pania bisti e ta. e ta gusta muhenan Gordo. NO KAI DEN SU GARA .kwida boso kurpa”

Un súplika ta bai na tur hende muhé gordo, pòto pòto, mal bala, bògi bògi, di bon danki pa bon tanki i bòdi papurèshi pa no divulgá nan peso na Anthony.

 

Tasz Angels na Kòrsou

Si na Aruba tawatin kòntèst di bikini, na Korsou Tasz Angels tabata di bishita. E grupo di damanan aki tin komo meta pa entretené bishitante nan di fiesta. Nan ta hasi esaki na un manera hopi partikular. E potrètnan ta papia pa nan mes.

Aki atrobe reputashon di hopi dama a bai pèrdí. Un remarke si nos ke hasi paso nos por komprondé ku ora alkohòl ta den wega emoshonnan ta subi. Pero unda bo amiganan a keda ? bo BFF, Linker-Bil, Asmiga i esun ku ta gaña pa bo tur ora. Na unda e demoño ei tabata ora Tasz Angels tabata nabegá den bo kil i fotógrafonan a probechá saka potrèt ?

En todo kaso. Nos ta spera kubo por a traha bo kara di “yo no fui” djaluna mainta na trabou i nos ta deseá bo éksito ku e fama di “Las mas finas son mas TASZ”

Awe ta djabièrnè 31 di yüli. Ainda falta 5 luna promé ku aña kaba pero ya nos a mira un anunsio kaminda ta buska músiko pa militá den  banda di gaita. Pedido di ayaka pa kompanianan tambe a kuminsá lanta kabes. Konsekuentemente mester di hopi blachi di banana pa traha esakinan. Nos isla no por produsí tantu blachi asina.

Loke si nos tin hopi ta makaku i kaminda tin makaku tin makakeria. Bo ta mira i sinti esaki tur dia rondó di bo. E ta kuminsá for di “mi yu a bai studia pa “Do(ch)ter” te “Bebi bo sa e mucha ei ta sabí no ! awor ku e la kaba su estudio di Homosapiens e la kita e sapiens afó i bira Homo”

En fin. Laga nos sera e siman aki bisando bo ku maske:

Norma(n) Serphos a gaña ku na ningun momentu a detené Jason Chicken Chow-Min,  banko ta fiando klientenan plaka pa kumpra karchi di jazz i na Boneiru un granatapel ta kosta 7 dòler…

T’aki mi ta BEBA

Ougùstùs

Club Spoonz ta ninga Charyn Muzo entrada

Djabièrnè último Charyn i un amiga a plania pa bai dibertí nan mes na e klup aki. Grandi tabata nan sorpresa ora ku na porta a ninga un di nan entrada pa motibu ku un di nan su kabei tabata estilo ‘dreadlocks’. E bewaker na porta a splika ku gerensia no ta permití personanan ku kabei di dread ni tampoko maton den nan klup.

E damanan a keda mashá desapuntá i tristu komokiera ku e anochi a dòl pa hinter e grupo ku nan tabata forma parti di dje. Nan ta haña tristu kon den un tempu moderno ketu bai ta diskriminá a base di un hende su aparensia. Tambe nan ta puntra nan mes si artistanan ku tin kabei di dread manera Rasta Lè i Amos Balentin lo wòrdu tratá di mesun sistema.

Naturalmente e suseso aki a kapta atenshon di hopi hende ku entre otro a bisa ku:

“ban serio ruman nn! Kiko a pasa ku kabei natural? nn no ta konta? ta 15 kilo di wave mi mester tin pa drenta Spoonz? ki koi loko? ami ta tene dimi nn, penja nn nechi serka Lau Lacle Inesia mantene nn…payasada…”

“E echo ta ku ta doño ta disidi su reglanan. Esun ku no gusta mester get. Peroooooo loke mi no ta hanja great di e doño ta ku el a deskrimina na momentu ku e laga un tokado ku dread drenta i un otro persona ku dread no. Si ta su regla ku e tin derechi di pone den su luga ta OK”

“……………………………………………..! Ojala e motibu ku tin pa tene hende ku dread afo ta aseptable. Mjn dios ke ku un guy kabes limpi pone dou dou den spoonz ma pompa orey??!! Archel Calister SOS aki banda ki..!”

Naturalmente gerensia di klup Kuchara a hasi uzo di nan derechi di opinion i entre otro a splika ku:

“HENDE KU DREAD POR DRENTA PERO basta eta kumpli ku nan reglanan. I si nos kweAMOS,BORREL,LANDRIE manera a trese dilanti semper nan dreadnan ta nechi,limpi i bunita i tambe hasi. I nunka nan ni otronan ku tatin dread tabata tin problema pa drenta Spoonz.” 

Den 2015 esaki ta kontesta di un gerensia. Charyn masha despensa pero na fini manera e hendenan aki ke bisa bo ku bo kabei ta mahos, shushi i mal hasí.  Nos si ta haña bo kabei una bellesa pero pa Club Spoonz si…

Bo no ta Rasta su Miss.

All in White Pool Party featuring Blac Chynna

Blac Chynna ta nòmber artístiko di e American urban hip hop model ku wikènt pasá tabata di bishita na Kòrsou. E damita aki a keda kontratá pa hasi akto di presensia na e famoso All in White Pool Party. E fiesta aki den un tempu kòrtiku a bira hopi popular no solamente debí na e bon músika i ambiente pero tambe pa e echo ku semper tin artistanan/modelonan internashonal presente.

Aparte di esei pa 5 ora largu bo por sinti bo un VIP lubidando ku:

• Bo a uza e sèn di unifòrm di skol pa kumpra karchi di fiesta
• E luna aki bo a salta pago di e outo pa bo sinta na mesa di VIP
• Falta dos siman pa bo kobra kier men ta pan ku suku te fin di luna
• A ni misa lo no por haña nan 10 porshento e luna aki

Ta un lástima ku mester paga un damita asina tantu plaka pa e djis presentá na un fiesta siendo ku e úniko kos ku no ta falsu na su kurpa ta e ‘kuiltjes’ nan na su kara. E parti di mas tristu ta esnan ku ta paga asina tantu plaka pa mir’é. Nos isla ta yen di muhénan bunita ku tin muchu mas mihó kurpa i bunita kara ku Blac Chynna. Djis tira un bista riba e potrètnan. Banda di nos muhénan krioyo Blac Chynna a keda mes kos ku un transseksual ku un siruhano fuma a operá. Segun un testigu su weave tabata grita “Goldie, Goldie!!” i su atras tabata parse esun di un abeha drogá.

 

Un remarke si nos tin riba nos mes hendenan. Ta parse ku kada bes damitanan ta skohe pa bisti ménos paña na momentu di asistí na e fiesta aki. Si biaha pasa shòrtnan den kil i shimisnan kòrtiku tabata skeiru, e biaha aki trahenan yen di buraku a dominá. Tin tabata bunita akabá pero tambe nos a mira hopi di nan ku tabata parse paña ku a para hopi den kashi i ku djaka a kou.

Algu otro mas ta fenómeno di hinka silicon den pechu i atras ku ta bastante popular awendia. Nos no tin nada kontra di esaki pero por fabor hasié na un klínika kaminda tin siruhanonan kapasitá. Riba vários potrèt nos a mira atras nan di sak pió ku outo sin “shòkeshòrber” i tambe pechunan di blas kousando peliger di eksploshon.

En fin. Despues di Lira Galore, Tasz Angels i Blac Chynna dia 28 di ougùstùs awor Royalty Mason, MariaJade i MontanaFierce lo ta na Kòrsou pa chupa boso plaka i despues laga lastra.

Nos ta topa otro riba potrèt.

Alex Batman Rosaria

Ta miembro di Parlamento i lider di koalishon pa partido Pais. E chèns ta grandi ku e nòmber aki no ta bisa bo masha. No sinti bo malu pa esei paso ta un echo ku kasi nunka bo ta tende algu di e mener aki. Ni malu ni bon. E último biaha ku a skucha algu for di su boka tabata e momentu ku e la pidi su bodyguard pa defendé di un manifestante ku kier a bis’e algu durante un manifestashon na Bándabou.

Den transkurso di siman a surgi e rumor ku Alex Rosaria a dal abou manera patia bèrdè despues di a baila dos piesa durante un happy hour na Tutu Tango. E lo tabata bou di su awa i na final ta dos bodyguard a yud’é lanta i kana bai outo.

Fantástiko, great, hopi bon Alex. Danki pa laga e pueblo mira na kiko su plaka ta wòrdu gastá. Bo por a sikiera invitá poko di esnan ku soketemente a vota p’abo awe por tin e luho di baila malu, bebe fuma i dal abou. Ta mihó bo a bebe awa di lamunchi.

Naturalmente kosnan asin’aki tin nos pueblo fadá. Si bo tambe ta un di esnan ku ta konsiente ku asina aki no por sigui, mi ta sugirí bo pa tira un bista riba e página di Facebook aki.

Luzbella Jamanika

Pa esnan ku no konosé ainda, e damita aki tin un trayektoria largu di forma grupo i organisá eventonan ku mayoria bia ta kaba di un manera pekuliar. No opstante esaki e ta sigui ku su hòbi lokual tòg ta algu di aploudí.  Te kaminda ku nos por kòrda Luzbella a sòru pa lo siguiente:

• Grupo di Seú
• BBQ pa por partisipá na marcha di Seú di Bándabou
• Diva’s Fitness Bootcamp
• Workshop di makiahe

Despues di un par di luna sin tende nada e tei bek ku algu nobo . E biaha aki e ta duna tur mucha di Kòrsou e chèns pa inskribí nan mes pa partisipá den karnaval 2016 ku: The Diamond Kids. Nan lo wòrdu kompaña pa Gio Fuertisimo. Komo ku e responsabilidat aki ta unu enorme e grupo ta buskando 6 leidster i 10 waiter. Pa por apliká mester tuma kontakto via di e Facebook pagina Grupo Diamante. Den luna di sèptèmber lo bai demostrá nan trahe na públiko.

Aparentemente grupo di karnaval Chikitous no ta bai marcha otro aña. Esaki ta un bon momentu pa Luzbella mustra pueblo di Korsou kiko e tin aden i tur esaki pa solamente 450 florin. Laga nos spera ku no ta e paña di Seú ku tabata falta bala bala e ta bai recycle.

 

Sèptèmber

 

ROYALTYMASON, MARIAJADE i MONTANAFIERCE na Kòrsou

Loke mester a bira un fiesta manera tur otro den su kategoria a resultá den un sorpresa grandi. Despues di Blacchynna i Tasz Angels, djabièrnè último a toka turno na ROYALTYMASON, MARIAJADE i MONTANAFIERCE pa demostrá nan talento. Club Spoonz ku naturalmente ta e sitio adekuá pa tipo di shownan manera esaki a sòru pa akapará e públiko ku a asistí den gran forma.

Na momentu ku e damita ta presentá ta e intenshon pa esnan presente “make it rain”. Den  terminologia esaki ta nifiká ku mester tira plaka (di papel i no moneda) riba dje. Hasiendo esei e ta haña muchu mas ánimo pa sea baila mihó, tene un “pole” subi bai haltu i sples bin abou manera un paraplü òf simplemente kita mas paña for di su kurpa.

 

Pa moderno ku nos isla ta, ora di stroi ku plaka si nos ta bin bei mesora i ta loke ku tambe a sosodé. Ta masha poko hende tabata “make it rain” i esaki a pone tantu promotor komo e artistanan demostrá nan malkontentu.

Reginald Offerman a bisa:

Un saludo pa e hende nan ku a Sali kas ku nan papel di 100$ di thailand falsu bin hunga tof den spoonz ayera….

 Hey bo awa seru tabata falsuuu falsuuu..

 Whahahahahaha rekort swa.

Segun Stepha Krakaka:

Like the woman said: y’all have some cheap ass niggas over here. Tbt mane Muhe so tbt make i train. Mayoria Hombu nn tbt ketu. Asta dollar falsu Ta tin. Berguensa wa. Bsn ta gwn danja Kara di korsou. Serio. Explicit exp…. Fiesta tbt amazing!!! For real!!! We had a blast. E koki tbt show. No mane TAZmanian Devils. Truth hurts but shit happens. Oops.

Ta opvio ku nos pueblo no ta totalmente aklimatisá ku e konsepto nobo aki. Nos no ta kla pa tira sèn riba nada ku no ta lombra. Por último nos ke remarká ku hopi rasta i nan miss a keha riba e echo ku splitsmentu di yangadó si mag pero dread si hamas.

Gerrit Schotte, Deya Mensche i Wyclef Jean

Gerrit Schotte i Deya Mensche (di The Velvet Rope) ta dos seru ku normalmente lo no “topa”. E motibu ku e biaha aki si esaki a sosodé ta e gran artista Wyclef Jean. Tur kos a kuminsá na momentu ku tantu Gerrit Schotte i Deya Mensche a claim riba medionan sosial di ta esun ku a sòru pa e artista pasa un dia ameno riba nos isla.

Segun Deya Mensche:

“A lot of people are claiming credit for realizing this event, however we never put this together to increase our selfie game or let people know how well connected we are.

This initiative came from a conversation with Wyclef ten years ago, where I told him about my island and its lovely people…. And as you could see, Wyclef is all about the people. A lot of folks unfortunately couldn’t afford to attend the CNSJ festival, so we brought the party to them. Oranjestraat WIFI’ing Park was in full bloom and it touched my heart to see how Wyclef responded to the people. There was so much love and he touched our spirits with his kindness.”

For di e website di Gerrit Schotte nos ta sita ku:

“Wyclef Jean den un kòmbersashon privá ku su persona a indiká su interes pa durante su estadia korto e por relashoná su mes un tiki mas di serka ku nos kultura i nos hendenan. I esaki durante su bishita korto durante djabièrnè i djsabara e la hasi tambe.

Promé e tabata tin mester urgentemente un pelá i esaki sr. Willo Maduro di Willo barbershop a sòru pa e haña. Seguidamente presidente di Wild Hogs sr. Dudley Tokaay a enkargá su mes pa agrupá un grupo chikí di Harley Davidson bikers pa asina Wyclef Jean por a konosé sierto paisahe nan di nos dushi isla Kòrsou. I finalmente djasabra undercover sin niun seguridad e la “hit the road”. Wyclef Jean ta un di e artistanan/kantante konosí pa diferente presentashon nan grandi ku artistanan manera Carlos Santana, Shakira, Akon etc etc. Su organisashon Yéle Haiti tambe ta uno di aktividatnan karitativo pa yuda su pais natal Haiti for di aña 2005 bin .”

Awor tur hende ke sa ta ken ta papia bèrdat i ta ken ta tiradó di bagon. En todo kaso Wyclef Jean a pasa un dia ameno den kompania di tantu Gerrit Schotte, Deya Mensche i hopi otro miembronan di nos komunidat. Remarkabel ta ku no tabatin ni un goldigger òf gatiero presente. Nos ta kere ku e echo ku Wyclef Jean ta di desendensia Haitiano a pone ku a balot’é.

Eske ou vle danse?

 

Olivier Arrindell vs Gobièrnu, Radio Dirèkt, i korant Èkstra

Ta generalmente konosí ku e proseso rondó di hañamentu di pèrmit por kosta bo un igra, nir òf matris. Hopi ta esnan ku dia den dia afó mester keda yora, sklama puntra i hasta tin bes chupa pa nan por bin kla. Otro nan ta kue fadá i kuminsá operá sin e pèrmitnan nesesario. Ava Airways ta un bon ehèmpel di kon kosnan por bai kompletamente robes.

Nan tin kasi 2 aña wardando riba un kontesta di parti di gobièrnu. Segun representantenan di Ava Airways, Olivier Arrindell i Giovanni Atalita e úniko kos ku nan ke tende di gobièrnu ta “Si” òf un “No”. Na lugá di hasi esei ta preferá di keda ketu i ignorá nan persona. Ora kos a kuminsá bira kayente gobièrnu a kontesta ku pa trata e petishon di pèrmit mester sòru promé pa un garantia na balor di 48 mion dòler. I ta aki Colon, Sambil Zuikermall a kima.

E situashon a bira mas pió ora ku mikrofonistanan di Radio Dirèkt a kai den e asuntu aki. Laga nos ser sinsero ku otro. Un pais ku su gobièrnu ta tuma kasi dos aña pa djis bisa “Si” òf “No” ta un pais kanando wowo sera den direkshon di un abismo. Kuantu esfuerso ta kosta pa duna un kontesta? Lo por a evitá tur e bululú ku awe ta tópiko di dia. Mundu kompletu ta wak nos i hari.

Danki Dios e problemanan rondó di e asuntu aki tambe ta sòru pa hopi harimentu. Entre otro Olivier a regala Richeron ‘Dem a Bleach’ Balentien un bòter di kloròks i tambe e la batisá dos buriku dunando nan nòmber nobo (Liesjeron i Djèzzzmin). Tambe e la mustra prueba di un kombersashon masha ameno ku e tabata tin ku Anthony Pieter di korant èkstra. En fin nos ta harma e sirko i boso ta kordialmente invitá pa disfrutá di e show.

 

Shantyskeer unda mi 320 euro a keda alweer ?

E mundu di kabei falsu ta unu kaminda hopi plaka ta lora. Pa un pida “band” di kabei bo por paga mas di 200 florin. Imaginá bo si bo kabes ta hopi grandi ta kon lo bo hasi. Ms. Belly Maduro ta un damita hopi konosí pa tur esnan ku ta gusta kabei falsu. E ta duna entre otro servisio di saka sla, kambia zeta, “frangbel” i “shokeshorber” ora ta trata di kabei falsu. Hopi hende muhé ta drenta kabes tur komé i sali manera promé finalista di Miss Universe.

Ms. Belly Maduro bon konfiá a laga Shantyskeer bin hasi kabei na su kas keriendo ku e lo haña su plaka mesora. Kos a kana otro te ku Ms Belly a fada i pone su relato riba facebook pa tur hende lesa.

Segun Ms. Belly Maduro

 “Nunka mino a pensa ku lo mi mester buta un kliente su kara riba facebook paso ela bin hasi kabei sali mi kas SIN PAGAMI y tur bia e bisa ku eta bin trese mi sen PERO SEMPER tin algu ta komt daarvoor ku eno por bini pagami.. Ora ami bise ku mi mes tin auto mi ta bin tume te unda e ta e ta bira traha kalke smoes.. Ami ta traha hopi duru pami sen y niun persona sinberguensa ta kere ku ta burla dimi..

Lang verhaal: e juffrouw ribe potret aki jama Shanty,,ku kual porsierto e potret nan aki ta ku mi lacewig buta anto ela BIN HASI KABEI SIN PAGA!!!
Shanty a bini hasi kabei serka mi dia 12Aug ’15 prome ku ela jega pa su afspraak ela lagami sa ku un familiar di dje a manda e pago riba mi rekening kaba..
Ami bon konfia ma lage drenta mi luga pe sinta hasi kabei.. Kaba mi ta bise lagami wak e bewijs van betaling mi ta mira ku falta net 1 sifra di mi rekening nummer.. Eynan kaba mi ta sa ku algu no ta klop,,paso bo no por kompleta un transakshon anto falta un number di kuenta.. E banko mes ta bisabu pabo verifika e number paso eno ta bon.. Enfin, Shanty aki a bisami e pago a bai riba otro rekening, keriendo ku ta Lolin Farandulin ta para su dilanti,, anto ku eerst volgende dag ku e pago no ta riba mi rekening e mes lo bin trese pami..
Siguente dia mi a hanja pago di tur sobra kliente ku a bestel algu serka mi pero net di Shanty no. Ma kontakt e, e di kumi ku warda e bel e familiar di dje ku a manda e pago pa asina e bise ku e pago no a pasa y pa bolbe pase riba su mes kuenta asina e mes por pagami. Ma laga algun dia pasa bai y ainda nada. Shanty ku hopi kurashi a asta puntrami pa un otro afspraak pa penja anto asina eta pagami cash tur kos mesora, ma dune un afspraak paso ami ta mi sen mi mester, KOS KU MA VERWACHT ta ku e siguente afspraak ku ma dune pa dia 20Aug eno a kom e na tampoko..
Ami mester a app e, ora ku ma mira eno a jega pa su afspraak, pa puntre kon lew eta y Shanty aki ta bin bisami e ta bai kai laat trobe eno ta bai haal pa bin penja.

Ja aki ma sospecha ku e juffrouw ki ta blo bashi,, kaminda ela papia jen kos ku e tin jen sen eta bai largu ku vakantie dit dat, ela opera body saka jen sen blablabal.. Pero tog bo debemi 320€!!!!
E peluka ta kosta 285€,, anto door ku eno tin kabei (kabes limpi) ma kobre 35€ pa bute..

Enfin awe ta hasi 1 luna kaba ku eno a pagami ainda y kada bes mi puntre etin un smoesje,, ku eno ta na rotterdam eta lew anto lastu a bin hasi zielig bisami ku ela hanja problema ku e familiar pesey eno a logra pagami ainda ( esey no ta mi problema) BO NO MESTER A HUNGA GRANDI BIN HASI KABEI SI BO TA BLO BASHI..
Ma bisa Shanty hopi bes ku mi mes ta bin tuma e pago pero kada bes e tin un smoesje.. Siman pasa ultimo ey ma app e bise ku mi ta dune te ku djamars pa pagami.. Ela ignora hasi stoer wel ami no ta esun ku ta pasa berguensa sino e mes.. E mes a hinka su kurpa den e situashon aki..
DIA BO PAGAMI MI 320€ MI LO KITA E POST AKI FOI FACEBOOK!!!!

Anto mi tin prueba (screenshot) di tur e app nan kon Shanty aki ta keda birami pa paga y hasi stoer tambe,,hopi lef y berguensa bo mester tin.. Manda pic ku video mustra pari euro,,kaminda bon por pagami te ainda.. Mi ta traha hopi duru pami sen y niun pero niun hende unta bin tumami hasi..

Anto si ta nesesario lo mi post algun screenshot di tur e 4 siman nan ku Shanty ta bira pa paga.

Kimskeer a bira shantyskeer

Un feliz dia verder

 

 

Ban mira Shantyskeer awor si a yega ora pa paga òf entrega e kabeinan bèk i kana manera spanta para.

Òktober

Baby momma drama

Nos tur su bida por kambia den un frakshon di sekònde pa diferente motibu. Unu hopi konosí ta ora “pai bai laga mai”. Ta momentu nan mashá difísil i doloroso ku ta pone bo hopi hende desesperá i hinka “ki ku ta” den kas djis pa nan no ta nan so. Tambe tin esnan ku kue kaminda di “misa”. E grupo ku mas ta hala atenshon ta esun ku ta skohe pa e asina yama “baby momma drama”.

Baby momma drama ta e medidanan (hopi biaha violento) ku e èks kasa, muhé, frei òf bachilala ta tuma na momentu ku su hòmber bai lag’e pa un otro. E ta kuminsá normalmente ku un kantidat eksesivo di yamadanan telefóniko. Despues poko poko e situashon ta eskalá i okashoná raspamentu di outo, hasimentu di bochincha na kas di (èks) suegro, bringamentu dilanti di porta di skol, kobamentu di mama te den kantor na trabou i lastramentu di otro via medionan sosial.

E biaha aki a toka turno na Vivienne i Talitha pa fungi komo protagonistanan prinsipal di te medianovela “Dal mi awe, Kore duru mañan”.

E medianovela aki ya a kousa estrago den Rotterdam i un fanátiko fiel a komentá lo siguiente:

“Dama nn shushi ku ta laga yu hasi koi bura. 2 rival ku ta ch*nga ku e mesun pat*n ta hasi koi brua despues di 2 dia ku nn a konose otro. Vivienne legrand muhe shushi lastra  bono tin berguensa bo tin homber na kas. Talita ga lekker ganbangen met alle mannen van spangen zoals gewoonlijk banga, pijpslet zielegerd. Hinka pober mucha chiki den nn chochoria DE MAN WIL JULLIE ALLE BIJ NIET. Vivienne laba abou pe no keda hole fresku…..”

Laga nos no tene boso mas den suspenso. Klik riba e video i saka boso mes konklushon.

 

Suzanne Camelia Römer ta duna wòrdu pa basha kas abou

Ta loko nos a bira den e pais aki? Kon nos por tribi di basha kasnan abou sabiendo ku tin lista largu na FKP di hende ku tin 15 i 25 aña wardando riba un kas pagabel ? Dikon no por a duna e hendenan aki un tipo di dispensashon señora Camelia Römer ? Bo a laga basha kas di hendenan ku ya tabata poko marginá abou i pone nan den un posishon muchu mas pió.

Un di e kasnan aki tabata pertenesé na un damita di 27 aña ku tin 2 yu muhé. E la traha duru i ku sodó di su frenta i sin mester fia plaka òf pidi niun hende nada e la logra traha su kas. No opstante ku e tabata falta solamente 1 papel pa e por a regla e pèrmit na DROV su kas tambe a wòrdu bashá abou. Ta pe tipo di kosnan aki nos a pone boso riba e puesto ei ? Suzy Camelia Romer bo kier bisa nos ku Partido Nashonal di Pueblo a duna bo libertat pa desgrasia e pueblo ? Humphrey Davelaar òf un di su kompinchi nan no por a papia ku bo ? Papia su bon papia su malu…Hamas de los hamases Pueblo Soberano lo a laga un minister kometé tal fechoria. E lo tabata “out” su siguiente dia.

Ta kon tili si anto tala no ?

Tin un kantidat enorme di konstrukshon ku a wòrdu trahá di un forma ilegal i ku ta wòrdu uza komo negoshi. Te awe nan no tin e pèrmitnan nesesario. Ki dia ta basha esei nan abou ?

Nos ta un pueblo sokete. Nos ta gusta tuma soketada, skòp i bòfta basta nos haña kos pòrnada. Ki dia nos ta siña ?

Aparte di sokete nos pueblo gusta yuda tambe. Awor ku e damita aki su historia a sali den publisidat hopi ta esnan ku a saka un man i yuda mesora i esaki sigur nos ta aploudí.

 

John de Haseth miembro di PPA malamente gará “haciendo cosnan vies banda di beachnan publico”

Segun e periodista Nelson Speed Andrade e konosido politiko di PPA John de Haseth a hasi su mes kulpabel di aktonan inmoral na un luga publico. Nelson a konta ku:

“Esaki ta John de Haseth haciendo cosnan vies banda di beachnan publico. Tur dia e ta yama radio insulta tur hende den forma baho pa tur cos. Un gran sinberguensa cu debe cantidad hende. Un hende cu boca hopi sushi. Wak con a gare ta haci cosnan vies riba beach. Masturba y purba tira man riba cos di guynan jong na beach. Dialuna sigur ainda lo bo tende grita ofende hende. Ata pa tur hende mira kende ta e miembro di Grupo di 7 cu ta haci cosnan vies riba beachnan di Aruba den oranan di anochi. No ta cos cu mi kier publica pero mirando con baho e ta lastra hende tur dia via radionan sin ningun prueba, ata un prueba pa tur hende mira. Spera cu esaki e siña su les. Haci bo cosnan personal y vies na bo cas.”

No komprondé nos malu. Ku ta hòmber John gusta esei ta su asuntu. E problema ta sintá na e manera ku e ta purba di sasia su set. A ni den e mundu di animal e kosnan no ta kana di tal sistema.

Riba e siguiente video por mira klaramente kon John ta baha su karson i kometé semehante atrosidat. Nos ta konsehá un i tur ku tin un stoma delikado pa no mir’e.

 

The Guardian Group ku otro eksitoso Guardian-Loop (Fatum-Loop)

Despues di a organisá e kaminata aki pa mas di 30 biaha sigui e aña aki tambe e la resultá den un éksito rotundo. Manera semper e anochi promé ainda hopi hende tabata subi facebook i puntra ken por tin tishùrt bende nan. Nos a komprondé ku tishùrtnan a wòrdu bende pa asta dòbel di e preis i den un kaso asta a troka dos tayer di un suzuki swift pa un tishùrt sais m.

Riba e ruta mes kosnan a kana bon i nos por a nota vários partisipante ku a kòrta i dòrna nan tishùrt manera kos ku ta baimentu di Jump-in tin. Tin tambe ku a kose 2 tishùrt na otro pa krea un shimis i bisti sapatu hilchi haltu. Kada loko ku nan teima.

Loke si nos no por keda sin kuestioná ta lo siguiente. E mes un esfuerso ku a hasi pa lanta 5 or di mainta riba un djadumingu a kaba na “aros con coco” pa su siguiente dia. Hopi mucha a yega skol lat i dòkternan di kas tabatin man yen ku tur e pedidonan pa karta di AO.

Nos a perde kaminda pa loke realmente ta importante. Tur kos ta drai riba hasimentu di kos pa bista di hende. Klaramente hiba yu skol na tempu i bai traha maske bo ta un tiki kansa no ta kai bou di esei.

 

Novèmber

 

“Forlestu konosé? Forlestu sera smul!”

Na un entiero semper emoshonnan ta subi dominá kurpa i mente di famia, amigu i konosínan ku a pèrdè nan ser kerí. Ta kai flou, bebe fuma i grita yora direpente spantando tur hende presente. Masha poko bia bo sa tende ku Forlestu sa hiba vra pero e biaha aki si e la keda lastrá. Djis skucha e fragmento di zonido:

 

Dr. Marylin Moses ta deklará gobièrnu morto

Nos pais sinseramente ta den “abou di su le mèmè”. Ya ta pa di tantísimo biaha ku ta bula waya i kore bai ku asiento. Fòrti a para bira un sentro di prostitushon. Kada bes ta bùrt pa un otro grupo gèngbèng e pueblo i bai lag’e. Ta un sèt di abusador tin ta hasi i deshasí sin mester duna kuenta i rason.

Awor ta ken su falta? –Di nos mes! Ta nos ta vota pa stof, bon di pagatinu i banda popular na sede.  Ta nos mes ta plak outo tur na steker bisti tishùrt di partido i bai sinta kue serena na sede. Nos mes ku nos mes. Ta nos mes tin nos lugá definitivamente hodé.

Dr Marylin Moses a kibra gobièrnu djis pa bai un Spa.

 

 

 

Kosto di bida a bira insoportabel

Nos tur sa kon haltu kosto di bida ta. Esei ta pone ku tur dia tin atrako, ladronisia i kòrtamentu di orea ta tuma lugá riba nos islanan. Na Kòrsou vários persona a kuminsá demostrá nan malkontentu via medionan sosial. E siguiente video ta un ehèmpel kla i raspá. Segun e mener en kestion:

“RUMAN NAN SHARE E KOKI.
Tag bo friends nn den dje,paso ta koi pendeu e koki ta birando.
HOPI RABIA MES KON KORSOU A BIRA.
Berguensa di marka mayo.”

 

Nos sigur no ta propagá violensia kontra di ningun negoshi òf otro establesimentu. Di un otro banda nos ta komprondé e rabia i desapunto ku ta reina bou di esnan ménos privilegiá. En fin manera e mener den e video aki tambe a bisa:

 

“Sigi post e koi konjo aki pa e goviernu pendeu aki hasi algu.”

 

Manifestashon kontra di zwarte piet ta kaba den guera riba facebook

E bòmbòshi tokante zwarte piet tin nos tur hartá. Representantenan di museo Tula kier pa e aspekto di zwarte piet wòrdu kambiá. Di un otro banda bo tin e grupo ku ke pa kos sigui manera e ta. E medaya aki falta un banda mas: su rant. Esaki ta konsistí di un grupo ku simplemente “they don’t give a goddamn”.

Pa nan no ta importante si zwarte piet kambia òf keda mes kos paso tin problemanan muchu mas grandi pa atendé kuné. En fin. Djasabra último un grupo di mas òf ménos 15 persona a bai manifestá na yegada di sanikolas. Na e sitio mes kosnan a bai trankil pero riba facebook un bòm kargá ku insulto i hasimentu di chèrchi a eksplotá. E potrètnan ta papia pa nan mes:

No komprondé nos malu:

Sanikolas si mester keda blanku. Mi no konosé ningun hòmber pretu ku por kana anochi lat riba un dak di kas sin ku hendenan yama polis pe.

Besos.

Asjes Jasjes Credit Pasjes ta bèk na kasjes

Ivar Asjes ta bèk den e pisina di lodo ku yama polítika.  E biaha aki kompañá pa partido polítiko PRO KÒRSOU :

“PRO KÒRSOU su meta ta pa sirbi interes i bienestar general di Kòrsou. Nos prinsipionan solidaridat, hustisia sosial i partisipashon ta ankrá riba inklushon di tur siudadano, semper poniendo desaroyo i bienestar di nos komunidat na promé lugá. Esaki ta nifiká ku kada siudadano di Kòrsou mester por tin oportunidat igual pa e i su famia alkansá un desaroyo sosial-ekonómiko ku ta permití un nivel di bida akseptabel i saludabel.”

Ta komo sifuera e lugá chikitu aki no tin sufisiente partido polítiko. Tur ke logra e mes un kos i tur ke traha na “bienestar i interes general” di nos pueblo. Manera nan haña e chèns kos ta bòltu 360 grado. En todo kaso. Nos ta deseá Ivar Asjes i su super amigos éksito i pa e kòrda su èks partido ku ainda nan debe e pueblo aki un splikashon.

 

Desèmber

 

Yolanda Smallegange prospekto pa Tazs Angels

Ta fresku den nos tur su memoria kon na yüli último e grupo Tazs Angels a sòru pa un show espektakular den klup Kuchara. E dia ei vários hende su a kabes a suta i nan a kombertí e klup den un set di filmashon pa un pelíkula pornográfiko yamá:

“Las mas finas son las mas TAZS”

Den tur e Sodoma i Gomora ku tabata tumando lugá Yolanda Smallegange tòg a sa di skor un oportunidat pa figura komo prospekto pa e grupo aki. Kosnan a kuminsá kana na momentu ku un di e miembronan a disidí ku e ta bandoná e grupo.

Yolanda ta un damita ku na 2013 a partisipá na e sertámen di  tantu Miss Kòrsou komo Miss intercontinental. Talento i beyesa e tin de sobra.

Laga esaki ta un lès pa tur sobra ku ta saka selfie i potrèt para di banda ta wak abou. Si bo no ta un “Yolanda Smallegange” ta bo estudio i trabou duru a sobra bo.

Basta di para hasi pantomina den spil.

Update:

Yolanda definitivamente ta forma parti di e grupo. Riba e video ya kaba bo por mire riba trabou!

 

Pelea pa hòmber na hotèl Kura Hulanda

Pa moderno ku nos ta hunga ròl di ta, ketu bai e fenómeno di “bringa pa hòmbu” ta popular. E historia semper ta mes kos. Mai ku Pai ta biba dushi na ‘pès’ den nan ‘kès’. Riba un dia Pai ta trompeká i kai den baisait su ‘lès’. Pai ta sinti smak di pòrchòp i ta stòp di kome Mai su galiña. Despues ku Pai a kome e pòrchòp di baisait, chupa wesu saka tur su djus e ta realisá ku ta Mai su galiña mes t’esun!.

Lo bo pensa “ala fin ala fan” e kuenta a kaba. Awèl tur kaminda ménos serka nos hendenan. Paso mester kaba e kos na malu. Ta traha plan pa bai bati Mai na su boka di trabou anto naturalmente mester graba esaki pa tur hende mira. Ta dje bruá aki nos a bira òf ta zumbi di desèmber ta poderá di nos sintí?

En todo kaso. Nos ta spera di kurason ku e pelea tabata na tur esnan envolví su agrado. Sigui bringa i aportá na Kòrsou su baimentu den abou di su Le mèmè .

Historia ta ripití: desèmber ta luna di “mi frei ku ta hunga beisbòl na merka”

Nos ta den luna di desèmber. Tiki tiki pero sigur nos hóben peloteronan i otro deportistanan profeshonal ta kohiendo rumbo pa kas. Despues di a traha duru den 2015 ta ora pa sosegá e kurpa i gosa ku famia i amigunan. Den e luna aki gatieronan ta por la goma tratando di skor entre otro un “gai di beisbol’. Nan ta para na waya di ballpark sèksi bistí lur nan víktima.

Tera ta bula, sodó ta kore di frenta pa tenchi i e “weave” ta kuminsá kishikí pero nada no por stroba nan for di nan meta. E esfuerso aki sigur ta algu di aploudí pero mester tene kuenta tambe ku na yanüari tur kos ta kaba i ku mester lanta for di un soño profundo di mentira. Pa evitá ku yanüari 2016 ta kuminsá ku bòmbòshi paso “a subi plato komo pinchhitter dal un bala den kuadro kore yega primera pa despues tira casco abou i kana bai dogout” nos a saka e siguiente komunikado:

Atenshon tur gatiero:

Mayoria pelotero di liganan profeshonal tei kaba na Kòrsou. Awor ta falta esnan di futbòl, tènis etcetera etcetera…. Nos kier a pidi boso enkaresidamente pa ora yanüari habri no pone boso lamento i pesadia riba facebook.

Realisá ku pa desèmber bo mishon ta mes kos ku di un ayaka:

Lo bo wòrdu mará, herebé, kome i despues depositá den berpùt. Bo no a frei niun “gai di beisbòl”.

Bo tabata djis un pasapalu.

Besos.

Ps. Pa esnan burdá: ata un link pa e reportahe di Curaçao Baseball week 2015.

Happy hunting.

 

Zwarte piet ta kai for di boto i drif drenta Campo Alegre

Un biaha mas e dicho: Na Kòrsou i den shelu tur kos por, a keda probá. Segun tradishon sanikolas i su zwarte piet ta parti regalo, subi boto i laga lastra pa Spaña. E aña aki kos a kana otro.  En bes di a subi boto un grupo di zwarte piet a disidí ku nan ta bai selebrá sanikolas su kumpleaño den Campo Alegre.

Beter tabata kore na òrdu i boso mes por komprondé ku esei a pone situashon sali kompletamente for di man. Zwarte piet a subi esenario i duna un show espektakular. Promé ku bo klik pa mira e video djis chèk ku no tin niun mucha den bo besindario.

 

Mas prospekto yu di tera pa Tazs Angels

Aparte di Yolanda Smallegange e rumannan Roëna i Suëna Meijer tambe ta forma parti di e grupo di prospekto pa e grupo Tazsangels. Si ántes hóbennan tabata aspirá pa bira dokter, abogado, polis i yùfrou di skol awendia ta Babymomma, bendedó di karchi fiesta i stewardess ta algun di e profeshonnan ku ta masha popular.

Nos mester aseptá ku mundu a kambia i ku e generashon ku ta kresiendo tin otro pensamentunan. Nan ta mira ku aparte di studia, kria debe di estudio i paga esaki te dia bo muri tin hopi otro opshon. Ohalá e damitanan aki por sòru pa e interes den nos isla subi. Nos mester di mas turista òf hòmbernan loko ku ta kere ku na Kòrsou ta Tazsangels so tin ta kana rònt.

  
  

 

Ana Montana, pòtmòni santana!

2015 lo bai den buki di historia komo e aña ku mundu farándula di Kòrsou a sera konosí ku e fenómeno di buska stripper for di Merka pa bin kana rònt den fiesta. Promotornan a gana asina tantu plaka ku ni Afpakteam no por a kibra e trènt aki. Wikènt ku a pasa a toka turno na Ana Montana pa fungi komo atrakshon durante di un fiesta organisá pa Bold Events. Nos a komprondé ku e ambiente tabata tremendo. Hendenan a baila, gosa te gasta sèn di gasolin i saku di aros pa yega fin di luna.

Aki ta sigui dos video kaminda bo por atmirá Ana Montana i un amiga. Le sènk falsu, pechu falsu i kabei falsu. E plaka ku Ana Montana body Santana a gana bailando riba Dj Iski su hit “Donkey Kong” si tabata real!

Forlestu konosé? Forlestu sera sm*l!

E pueblo aki ta unu hopi kreativo. No ta eksistí un situashon ku nos no por imitá. Ta fresku den tur hende su memoria kon un par di luna pasá e video di “forlestu” a sali riba internèt i kousa estrago. No a dura muchu ku músikonan a kue e frase famoso “forlestu” konosé? forlestu sera sm*l” i traha un bunita kansion. Aki ta sigui e promé vershon.

Hopi hende for di Hulanda ku vòngkòngsi

Nan tei! Si, e hasidónan di drùk. Fo’i na porta di avion kortina di sirko ta habri pa pantomina por kuminsá. Ku asina un yas diki na kurpa nan ta kana pasa den slùrf i para na imigrashon. Hulandes malu ta sali for di nan boka di baf i tur frase ta kaba ku “jeetje man”. Para den rei na Starbucks (ku e yas bistí) bo ta tende:

“Siiii ami ku mi dochtertje en zoontje tei pa 3 luna yu… nos tin vònkòngsi te despues di kòrnòvol.”

Despues di 2 dia ya nan ta keha di e kalor, ku aki si no tin “frietsaus” i e mesun paki di djus na Hulanda ta kosta 1 “ero”. Pa no papia mes di e kantidat di pañanan ku ta kumpra na Primarkt i bin bende nos pueblo mansu na preisnan demasiado haltu.

 

“Damita” fuma drumí den outo na Aruba

Luna di desèmber ta karga ku tur tipo di fiesta. No ta nada straño ku e konsumo di alkohòl ta mas haltu ku nunka. Na Aruba djis pega ku eks edifisio di Kooyman polis a bin topa ku un vehíkulo un tiki straño stashoná. Mesora nan a baha i bai wak kiko tabata pasando. A bin topa ku un “damita” morto na soño i ku su paña tur na saka.

Te ainda e motibu pa kiko e damita aki a disidí na pega soño riba kaya pero nos tin e leve sospecho ku e la konsumí hopi glas di e biña marka: Kono

Aparentemente e biña aki a dale asina duru i pone ku por poko e la kore bai dal i kibra tur su….

Aki ta sigui un splikashon kòrtiku di e biña aki:

 

Kanisha Sluis ta sorprendé mundu kompletu na Miss Universe

Despues di a warda hopi tempu porfin e pueblo di Kòrsou a bolbe uni i ta Kanisha Sluis a sòru pa esei. Djadumingu promé ku e show ainda e interes den su partisipashon tabata abou. Manera ku Steve Harvey a anunsi’é komo un di e diessinku finalistanan tur hende a bira loko!

Facebook a yena rant rant di famia, amigu, konosí, bisiña, yùfrou di skol, stewardess i polis ku supuestamente konosé  “NOS” Kanisha. Kaya a bira blo bashí i hasta tokonan chines a sera porta lagando vários atrakador i polítiko ta lombra wowo. Asta e karta ku minister Suzy Camelia Romer a manda ningando AVA Airways un pèrmit pa establesé su mes riba nos isla no a kapta ningun hende su interes.

E situashon a bira muchu mas histériko ora ku a anunsiá Kanisha den e dies finalistanan. Parlamento a konvoká un reunion èkstra ordinario kaminda unánimemente a aseptá, un moshon pa smèlt e estatua di Doktor Frumencio da Costa Gomez i traha un nobo na semehansa di nos Kanisha. Alabes Parlamento a disidí ku entrante 1 di mart 2016 Gomezplein lo karga e nòmber di “Plasa Kanisha Bon Bala Sluis. Na final di kuenta nos no a logra bai ku e korona. Miss Colombia a keda korona komo Miss Universe ya despues di 2 minüt e mester a entrega esaki na Miss Filipina pa motibu di un eror ku e komediante Steve Harvey a kometé.

En todo kaso. Nos Kanisha ta bek na kas i a dun’e un kaluroso bon biní! Disfrutá di e imágen i videonan ku nos a hòrta for di riba internèt pa boso.

 

Un bia mas danki Kanisha.

Karchi di entrada pa Noche Buena @ Brakkeput Mei Mei

Kontinuando ku bo resúmen di siman nos kier a pone lus riba algu di ménos importansia i ku ta rekerí un nivel abou di inteligensia pa komprondé. Ta trata aki di e famoso fiesta di Noche Buena na Brakkeput mei mei. Tur aña di nobo ta sosodé e mes un estupides. Karchinan ta wòrdu poné na benta, hendenan sin moda di muri ta fòrsa kumpra pa despues nan bende esaki keriendo, ku por generá ganashi pa paga seguro di outo, silikon pa pechu òf boto pa Fuikdag.

Den transkurso di siman nos a mira vários persona ku di un òf otro manera a hinka den nan kabes pa rebendé nan karchi na un preis di lokura. 250, 300, i 400 florin ta montantenan ku tabata skeiru sin ningun klase di bèrgwensa riba medionan sosial. Tin hende ku asta a ofresé karchi a kambio di un tereno erfpacht ku un grandura mínimo di 600 meter kuadrá.

 

 

Ta ser bisá ku temporada di Pasku ta pa trese pas den tur kas. Ta riba nos pida baranka so bo ta haña e sintimentu ku diabel i hinter su gèng ta lòs. Hamas de los hamases un hende na tinu lo paga un preis asina haltu pa un karchi. Kuminsá peña saka. Ku Afpakteam aktivo e chèns ta bira mas chikí atrobe. Tur hende ta kouteloso kon nan ta gasta plaka pa evitá ku e team di Norma(n) Serphos ta presentá na nan porta.

En fin. Laga nos sa ken tur a bringa mainta despues di fiesta i manda nos potrèt di e crew ku a drenta mardugá estilo Miss Universe i sali mainta riba un “Billenshake”.

 

Emporia Curaçao White Edition

Un di fiestanan ku ta hopi popular den e luna di desèmber ta Emporia i no mas ku dos dia pasá esaki a tuma lugá den WTC. Diferente banda i Dj konosí a deleitá e públiko presente ku músika na nivel haltu. Tambe nan por a gosa di un bon presentashon di baile kordiná pa Nj Entertainment & More. Riba e diferente potrètnan (kortesia di GO Weekly) bo mes por mira kon dushi e ambiente tabata.

Un kos so nos tin di remarká. Nos mester kuminsá tene nos mes un tiki mas mihó na temanan di fiesta. Si e anochi ta rekerí bo bisti tur na blanku, por fabor no bini ku otro kos bisti. Bo ta keda mes kos ku un pida dròp den un baki yen di mentos.

 

 

 

 

 

FIN.

Pa bo mira kon lihé un aña por pasa. Awe ya ta 1 di yanüari 2016. T’aki mi ta BEBA ya ta eksistí pa 7 luna. Den e periodo aki boso a bishita e website mas di 849.000 bia i nos ta sumamente orguyoso di esaki. Nos sa ku nos pueblo no gusta lesa, pero kaminda tin bòmbòshi, helengue i tiramentu di kòp ròl tur hende tei presente. Resúmen di siman ta un refleho di nos komunidat. Loke nos ta hasi ta presentá bo e riba un te blachi di oro.

E aña aki tambe boso tur por sigui konta ku blog nan aktual, informativo, interesante i humorístiko. Bueno. No a sobra nos nada mas ku deseá bo un prosperá 2016 pero kòrda tambe ku maske:

 

 

Curaçao Lottery a entrega su trahadónan un kerstpakket den forma di kaasbal brua den k*k* di baby,  Sherwin Casper direktor di BAB a bisa ku e kerstpakket ku su trahadó supuestamente a tuma na un toko chines ta pa hiba pa mama di esun ku a hasi e redu aki i otro luna ta hasi 1 aña ku obispu a manda Pastor Simon bai meditá sin nunka mas e regresá òf un hende sa ta bou di kua piedra e ta tapá…..

 

T’aki mi ta BEBA