ਟਾਈਫਾਈਡ ਤੋਂ ਠੀਕ ਹੋਣਾ ਹੈ ਤਾਂ ਅਪਣਾਓ ਇਹ ਡਾਈਟ, ਸਰੀਰ ਦੀ ਰਿਕਵਰੀ ਹੋਵੇਗੀ ਜਲਦੀ

ਟਾਈਫਾਈਡ ਬੁਖਾਰ ਇੱਕ ਬੈਕਟੀਰੀਆ ਦੀ ਇਨਫੈਕਸ਼ਨ ਹੈ ਜੋ ਸਾਲਮੋਨੇਲਾ ਟਾਈਫੀ ਕਾਰਨ ਹੁੰਦੀ ਹੈ, ਜੋ ਇੱਕ ਇਨਫੈਕਸ਼ਨ ਵਾਲੇ ਵਿਅਕਤੀ ਤੋਂ ਇੱਕ ਸਿਹਤਮੰਦ ਵਿਅਕਤੀ ਵਿੱਚ ਤੇਜ਼ੀ ਨਾਲ ਫੈਲਦੀ ਹੈ। ਟਾਈਫਾਈਡ ਦੇ ਆਮ ਲੱਛਣਾਂ ਵਿੱਚ ਪਸੀਨਾ ਆਉਣਾ, ਠੰਢ ਲੱਗਣਾ, ਸਿਰ ਦਰਦ, ਸਰੀਰ ਵਿੱਚ ਦਰਦ, ਗੈਸਟਰੋਇੰਟੇਸਟਾਈਨਲ ਸਮੱਸਿਆਵਾਂ, ਪੇਟ ਵਿੱਚ ਦਰਦ ਅਤੇ ਸੁੱਕੀ ਖੰਘ ਸ਼ਾਮਲ ਹੈ। ਹਾਲਾਂਕਿ, ਖਾਣ-ਪੀਣ ‘ਤੇ ਸਹੀ ਧਿਆਨ ਦੇਣ ਨਾਲ, ਟਾਈਫਾਈਡ ਤੋਂ ਰਿਕਵਰੀ ਆਸਾਨ ਹੋ ਸਕਦੀ ਹੈ। ਇਸ ਬਿਮਾਰੀ ਦੌਰਾਨ ਜਟਿਲਤਾਵਾਂ ਤੋਂ ਬਚਣ ਲਈ ਸਹੀ ਡਾਈਟ ਬਣਾਈ ਰੱਖਣਾ ਜ਼ਰੂਰੀ ਹੈ।

ਟਾਈਫਾਈਡ ਬੁਖਾਰ ਦੌਰਾਨ ਖਾਣ ਵਾਲੇ ਭੋਜਨ: ਪਕਾਏ ਹੋਏ ਫਲ ਅਤੇ ਸਬਜ਼ੀਆਂ: ਕੱਚੇ ਫਲਾਂ ਅਤੇ ਸਬਜ਼ੀਆਂ ਤੋਂ ਪਰਹੇਜ਼ ਕਰੋ, ਖਾਸ ਤੌਰ ‘ਤੇ ਜਿਨ੍ਹਾਂ ਨੂੰ ਛਿੱਲਿਆ ਨਹੀਂ ਜਾ ਸਕਦਾ ਹੈ। ਕੇਲੇ, ਐਵੋਕਾਡੋ ਅਤੇ ਸੰਤਰੇ ਵਰਗੇ ਪਕੇ ਹੋਏ ਫਲਾਂ ਦੀ ਚੋਣ ਕਰੋ ਕਿਉਂਕਿ ਇਹ ਸੁਰੱਖਿਅਤ ਵਿਕਲਪ ਹਨ।

ਆਸਾਨੀ ਨਾਲ ਪਚਣ ਵਾਲੇ ਭੋਜਨ: ਮਸਾਲੇਦਾਰ ਅਤੇ ਤੇਲਯੁਕਤ ਭੋਜਨਾਂ ਤੋਂ ਦੂਰ ਰਹੋ, ਕਿਉਂਕਿ ਟਾਈਫਾਈਡ ਦੌਰਾਨ ਪਾਚਨ ਪ੍ਰਣਾਲੀ ਕਮਜ਼ੋਰ ਹੋ ਜਾਂਦੀ ਹੈ। ਆਸਾਨੀ ਨਾਲ ਪਚਣ ਵਾਲੇ ਭੋਜਨਾਂ ਦੀ ਚੋਣ ਕਰੋ ਜਿਵੇਂ ਕਿ ਖਿਚੜੀ, ਦਲੀਆ, ਉਬਲੇ ਹੋਏ ਚੌਲ ਅਤੇ ਸੂਪ।

ਕਾਰਬੋਹਾਈਡਰੇਟ ਵਾਲਾ ਭੋਜਨ: ਟਾਈਫਾਈਡ ਦੌਰਾਨ ਸਰੀਰ ਊਰਜਾ ਗੁਆ ਦਿੰਦਾ ਹੈ, ਇਸ ਲਈ ਜਲਦੀ ਠੀਕ ਹੋਣ ਲਈ ਕਾਰਬੋਹਾਈਡਰੇਟ ਦਾ ਸੇਵਨ ਕਰਨਾ ਜ਼ਰੂਰੀ ਹੈ। ਦਲੀਆ, ਫਰੂਟ ਕਸਟਰਡ, ਉਬਲੇ ਹੋਏ ਆਂਡੇ, ਸ਼ਹਿਦ ਅਤੇ ਉਬਲੇ ਚਾਵਲ ਵਰਗੇ ਭੋਜਨ ਫਾਇਦੇਮੰਦ ਹੁੰਦੇ ਹਨ।

ਤਰਲ ਪਦਾਰਥ: ਟਾਈਫਾਈਡ ਡੀਹਾਈਡਰੇਸ਼ਨ ਦਾ ਕਾਰਨ ਬਣ ਸਕਦਾ ਹੈ, ਇਸ ਲਈ ਬਹੁਤ ਸਾਰੇ ਤਰਲ ਪਦਾਰਥ ਪੀਣਾ ਜ਼ਰੂਰੀ ਹੈ। ਨਾਰੀਅਲ ਪਾਣੀ, ਨਿੰਬੂ ਪਾਣੀ, ਸੂਪ ਅਤੇ ਫਲਾਂ ਦੇ ਜੂਸ ਹਾਈਡਰੇਸ਼ਨ ਬਣਾਈ ਰੱਖਣ ਵਿੱਚ ਮਦਦ ਕਰ ਸਕਦੇ ਹਨ।

ਟਾਈਫਾਈਡ ਬੁਖਾਰ ਦੇ ਦੌਰਾਨ ਇਨ੍ਹਾਂ ਭੋਜਨਾਂ ਤੋਂ ਕਰੋ ਪਰਹੇਜ਼

ਕੱਚੇ ਅਤੇ ਛਿਲਕੇ ਰਹਿਤ ਫਲ/ਸਬਜ਼ੀਆਂ: ਕੱਚੇ ਫਲਾਂ ਅਤੇ ਸਬਜ਼ੀਆਂ ਤੋਂ ਦੂਰ ਰਹੋ, ਇਸ ਨਾਲ ਬੈਕਟੀਰੀਆ ਸਰੀਰ ਅੰਦਰ ਜਾ ਸਕਦਾ ਹੈ ਤੇ ਕੱਚੇ ਫਲਾਂ ਨੂੰ ਪਚਾਉਣਾ ਵੀ ਸਰੀਰ ਲਈ ਮੁਸ਼ਕਲ ਹੋ ਜਾਂਦਾ ਹੈ।

ਮਸਾਲੇਦਾਰ ਅਤੇ ਤੇਲਯੁਕਤ ਭੋਜਨ: ਤਲੇ ਅਤੇ ਮਸਾਲੇਦਾਰ ਪਕਵਾਨਾਂ ਤੋਂ ਪਰਹੇਜ਼ ਕਰੋ ਜੋ ਟਾਈਫਾਈਡ ਦੌਰਾਨ ਪੇਟ ਦੀਆਂ ਸਮੱਸਿਆਵਾਂ ਨੂੰ ਹੋਰ ਵਧਾ ਸਕਦੇ ਹਨ।

ਡੇਅਰੀ ਉਤਪਾਦ: ਟਾਈਫਾਈਡ ਦੌਰਾਨ ਡੇਅਰੀ ਉਤਪਾਦ ਨੂੰ ਹਜ਼ਮ ਕਰਨਾ ਔਖਾ ਹੋ ਸਕਦਾ ਹੈ, ਇਸ ਲਈ ਦੁੱਧ, ਪਨੀਰ ਅਤੇ ਹੋਰ ਡੇਅਰੀ ਉਤਪਾਦਾਂ ਤੋਂ ਬਚਣਾ ਬਿਹਤਰ ਹੈ।

ਕੈਫੀਨ ਵਾਲੇ ਅਤੇ ਕਾਰਬੋਨੇਟਿਡ ਡਰਿੰਕਸ: ਇਹ ਪੀਣ ਵਾਲੇ ਪਦਾਰਥ ਡੀਹਾਈਡਰੇਸ਼ਨ ਨੂੰ ਹੋਰ ਖਰਾਬ ਕਰ ਸਕਦੇ ਹਨ, ਇਸ ਲਈ ਕੌਫੀ, ਚਾਹ ਅਤੇ ਕਾਰਬੋਨੇਟਿਡ ਡਰਿੰਕਸ ਤੋਂ ਬਚਣਾ ਸਭ ਤੋਂ ਵਧੀਆ ਹੈ।