Lee Israel a skriv buhezskridoù. Start eo dezhi paeañ he fakturennoù avat ha kalz kudennoù he deus, alies abalamour d’he emzalc’h. Un deiz bennak e teu ar soñj dezhi sevel lizhiri faos bet kaset gant skrivagnerien vrudet evit gwerzhañ anezho da dud a zastum anezho. Sikouret eo gant Jack, ur saoz cheuc’h a seblant dido.
Tamm-ha-tamm e savo douetañs e stalioù levrioù New York hag e teuio an FBI da glask war he lerc’h zoken…
Ur sapre istor a zo kontet er film-mañ, bamus a-walc’h! Diazezet eo war levr Lee Israel hec’h-unan. Chom a ra un tamm re “blad” ar film avat met vad a ra gwelout Melissa McCarthy en ur perzh all estreget “ar plac’h tev fentus”.
Film sevenet gant Marielle Heller. Stadoù-Unanet Amerika, 2018, 1e47.
Romant Yasmina Khadra n’eo ket bet lennet ganin, ne anavezen ket istor Les hirondelles de Kaboul a-raok gwelet ar film. Heuliet e vez daou goublad e Kaboul e fin ar bloavezhioù 90 : Atiq, gward e toullbac’h ar merc’hed hag e wreg klañv, ha Mohsen ha Zunaira, erru skuizh gant reolennoù an talibaned hag a fellfe dezho bevañ en un doare dieub.
A-raok gwelet Avengers : Endgame e felle din gwelet Captain Marvel evit bezañ sur da gompren pep tra (pe ul lodenn d’an nebeutañ). E gwirionez ne oa ket ezhomm rak n’he deus ket Captain Marvel ur perzh divent e Avengers : Endgame.
E 1993 e tremen ar film. Goude bezañ bet gwelet o pokañ ur plac’h e vez kaset Cameron gant he familh d’ur c’hamp relijiel evit “sikour ar grennarded” da vont e biou ar santadoù evit tud memes reizh.
Daoust hag eñ e felle din sellet ouzh Plaire, aimer et courir vite evit gwelet straedoù Roazhon war ar skramm ? Marteze ‘walc’h.
Une pluie sans fin a seblante kaout kalz aozennoù evit plijout din : un enklask dindan ar glav, un tu istorel ha sokial en tu-hont d’an enklask.
Pebezh mennozh iskis ober un eil film Jumanji kalz kalz bloavezhioù war-lerc’h (daoust hag un diouer a ijin a vefe e Hollywood?). Ar mennozh mat gant ar film-mañ a zo chom hep ober ur reboot nag un heuliad a vefe rik evel an hini kentañ. Ar wech-mañ eo Jumanji ur c’hoari video. Ur strollad liseidi e dalc’het asambles evel pinijenn a grog da c’hoari. Un doare d’ober goap un tamm ouzh ar c’hoarioù birvilh doare Uncharted/Tomb Raider eo ar film ha war memes tro un doare da enoriñ anezho. Elfennoù heverk eus ar c’hoarioù a vo lakaet war-wel : tudennoù nann-c’hoarier (PNJ) oc’h adlavar memes traoù bepred, hentoù rediet, buhezioù… Un dra klaseloc’h met efedus bepred a zo bezañ bet dibabet tudennoù disheñvel mik outo : ar sportour a vo bihan ha gwan met ur mailh war al loened, an “nerd” a vo kreñv spontus, ar plac’h koant a vo ur paotr tev a ra war-dro ar gartenn hag ar plac’h lentik a vo ur plac’h hoalus a oar n’em gannañ. Dre an tudennoù-se hag ar fed e vo ret dezho boaziañ d’an traoù nevez int gouest d’ober e vo posupl dezho digeriñ un tamm o speredoù ha kompren gwelloc’h ar re all. N’eus souezhadenn ebet er film met fentus-tre eo hag efedus. N’eo ket a live gant an Jumanji orin marteze met ur souezhadenn a-feson eo en un doare film birvilh skañv ha dudius. Kalz plijadur am eus bet o sellet ouzh ar film-mañ !
Ur film diwar-benn ur plac’h he deus laosket he hunvreoù a gostez eo Joy. Bac’het eo en ur saviad start gant he zud o c’houlenn sikour, he gwaz-bet c’hoazh o chom en ti, he bugale… N’hall ket tapout pep lec’h. Pa oa bugel e plije dezhi ijinañ a bep seurt traoù ha keuz he deus eus penaos eo troet an traoù eviti. En desped d’an holl tro-dro dezhi ec’h ijino ur valaenn-torch a raio kalz berzh. Heuliet e vez hec’h “emgann” evit bezañ doujet gant he c’henlabourerien, ober bruderezh evit hec’h ijinadenn hag all. Ur film a ro startijenn eo, gwelout ur plac’h ken mennet a zo awenus met un tamm hir eo avat ha start eo bepred krediñ e Jennifer Lawrence evel mamm a diegezh, d’am meno.
Chañsoù bras a zo e tegemerfemp Michel Rabagliati el levraoueg e 2017. Dav din prientiñ an dra-se neuze! Kuzuliet eo bet din Paul à Québec eus e rummad levrioù bannoù-treset “Paul”.
My Own Private Idaho a oa an eil film a felle din gwelet goude bezañ bet o welet diskouezadeg Gus Van Sant e miz Even (an hini kentañ a oa 
Soubenn ar geek 