Ciste na Banrigh air Alba fhàgail
- Air fhoillseachadh
Chunnaic na mìltean dhaoine ciste-laighe na Banrigh aig Cathair-eaglais Naoimh Giles ann an Dùn Èideann.
Tha ciste-laighe na Banrigh air Alba fhàgail agus air a dhol a Lunnainn air plèana à Port-adhair Dhùn Èideann.
Bha a' chiste aig Cathair-Eaglais an Naoimh Giles ann an Dùn Èideann agus, airson 24 uairean de thìde, fhuair am mòr-shluagh cothrom a faicinn.
Chaidh 33,000 duine seachad oirre.
Bidh a' chiste an toiseach aig Lùchairt Bhuckingham ann an Lunnainn agus bidh i a' laighe gu poblach an uair sin airson ceithir là aig Talla Westminster.
'S ann Diluain seo tighinn a bhios tìodhlacadh stàite na Banrigh ann.