Swyddfa Dywydd yn hepgor Ynys Môn

Mae'r Swyddfa Dywydd wedi dweud wrth y BBC y bydd yn chwilio am "ffordd arall" o arddangos gwybodaeth ar ôl cyhoeddi mapiau heb Ynys Môn.

Roedd y rhagolygon ar gyfer y penwythnos diwethaf hefyd yn hepgor Ynys Wyth.

Dywedodd llefarydd ar ran y Swyddfa Dywydd: "Nid yw rhai rhannau o Ynysoedd Prydain yn cael eu cynrychioli yn benodol, fel Ynys Môn ac Ynys Wyth.

"Mae'r mapiau yn amlinellol ac yn sail i arddangos rhagolygon y tywydd neu wybodaeth arall.

"Ond byddwn yn ymdrechu ble mae'n bosibl i ddod o hyd i ffordd arall sy'n cynnwys y cyfan o Ynysoedd Prydain".