રસપ્રદ કિસ્સો:જ્યારે બાદશાહના 'અભી તો પાર્ટી શુરૂ હુઈ હૈ' સોન્ગ વચ્ચે સ્ટેજ પર પોલીસ આવી ગઈ હતી, લોકો રાડો પાડવા લાગ્યા હતા- અબ કર લે હેન્ડલ

રેપર બાદશાહ અને સિંગર સુખબીર સિંહ હાલમાં જ કોમેડી શો 'ધ કપિલ શર્મા શો'માં આવ્યા હતા. આ દરમ્યાન બાદશાહે તેના સોન્ગ 'અભી તો પાર્ટી શુરૂ હુઈ હૈ' સાથે જોડાયેલો એક રસપ્રદ કિસ્સો શેર કર્યો. રેપરના જણાવ્યા મુજબ ઘટના ત્યારની છે, જ્યારે રોહિણી (દિલ્હી)માં તે સ્ટેજ શો કરી રહ્યો હતો.

સ્ટેજ પર પોલીસ આવી ગઈ હતી
બાદશાહે જણાવ્યું કે જ્યારે તે ફિલ્મ 'ખૂબસુરત'ના સોન્ગ 'અભી તો પાર્ટી શુરૂ હુઈ હૈ' ગાઈ રહ્યો હતો તો તેમાં લાઈન 'આંટી પુલીસ બુલા લેગી તો યાર તેરા કર લેગા હેન્ડલ' આવી તો સાચેમાં ત્યાં પોલીસ આવી ગઈ. આ જોઈને હાજર ઓડિયન્સમાંથી અવાજ આવ્યો કે 'અબ કર લે હેન્ડલ'. બાદશાહની વાત સાંભળીને કપિલ, સુખબીર, અર્ચના પૂરણ સિંહ સહિત ત્યાં હાજર લોકો ખૂબ હસવા લાગ્યા.

કપિલે નામ લઈને જોક ક્રેક કર્યો
બાદશાહનું નામ લઈને કપિલ શર્માએ જોક ક્રેક કર્યો. કપિલે રેપરને પૂછ્યું, 'નામ તો તમારું બાદશાહ છે. જ્યારે લોકડાઉન ચાલી રહ્યું હતું, બાદશાહ ત્યારે પણ બાદશાહ હતા કે પછી રામુ કાકા (સામાન્ય રીતે ફિલ્મોમાં ઘરમાં કામ કરનારા નોકરને આ નામથી બોલાવવામાં આવે છે) બની ગયા હતા.

ઈલૈયા રાજાના દીકરા સાથે નવું સોન્ગ કરી રહ્યો છે
બાદશાહે શોમાં જણાવ્યું કે તે ફેમસ મ્યુઝિક કમ્પોઝર ઈલૈયા રાજાના દીકરા યુવાન શંકર રાજા સાથે નવું સોન્ગ 'ટોપ ટક્કર' કરી રહ્યો છે. તેના જણાવ્યા અનુસાર, આ સોન્ગ હાલમાં જ ગૂગલ દ્વારા નેશનલ ક્રશ જાહેર કરવામાં આવેલી રશ્મિકા મંદાના પર પિક્ચરાઇઝ્ડ હશે, જે સાઉથની ઘણી મોટી એક્ટ્રેસ છે.