હોઠ થઈ ગયા હોય કાળા તો આ 4 વસ્તુઓથી કરો તેને પિંક પિંક
Updated: Sep 12th, 2019
નિયમિત લિપસ્ટીક કરવાથી અને અનિયમિત જીવનશૈલીના કારણે યુવતીઓને નાની ઉંમરમાં હોઠ કાળા થયા હોવાની ફરિયાદ રહે છે. હોઠનો રંગ કાળો થઈ ગયો હોય તો તેને કુદરતી રીતે પિંક કરવા માટે કેટલાક ઘરગથ્થુ ઉપાય કરવા જોઈએ. આ ઉપાયથી હોઠ કુદરતી રીતે ગુલાબી અને નરમ થશે.
હોઠની કાળાશનું કારણ ઘણી વસ્તુઓ બને છે. તડકો, હાઈડ્રેશનની ખામી, સ્મોકિંગ, ટૂથપેસ્ટ, લિપ બામ કે લિપસ્ટિક કે કેફીનનું વધારે સેવન. કેટલાક લોકોને હોઠ ચાવવાની પણ ટેવ હોય છે જેના કારણે હોઠ કાળ પડવા લાગે છે.
કેટલીક વાર મેડિકલ ટ્રીટમેન્ટના કારણે પણ હોઠ કાળા થઈ જાય છે. શરીરમાં લોહીની ખામી હોય, કીમોથેરાપી કરી હોય, વિટામિન્સની ખામી હોય તો પણ હોઠ કાળા થઈ જાય છે.
હોઠની કાળાશ દૂર કરવા ટ્રીટમેન્ટ પણ કરાવી શકાય છે. પરંતુ જો ઘરગથ્થુ ઉપચારથી કામ થતું હોય તો તેનાથી બેસ્ટ કોઈ વિકલ્પ ન હોય. કયા કયા છે આ ઉપાયો જાણી લો આજે તમે પણ. એક સ્ટડી અનુસાર સિટ્રસ એસિડથી ભરપૂર ફળની છાલ મેલાનિનને ઓછું કરે છે.
મેલાનિન જ ત્વચાની કાળાશનું કારણ હોય છે. તેથી રોજ રાત્રે સૂતા પહેલા લીંબૂ કાપી તેનો રસ હોઠ પર લગાવવો. થોડીવાર મસાજ કરી અને તેને રાત્રે તેમ જ રહેવા દો. આ ઉપાય 30 દિવસ સુધી કરવાથી હોઠ પિંક થઈ જશે.
એક ચમચી બીટનો રસ લઈ તેમાં 1 ચમચી મલાઈ ઉમેરો. તેનાથી હોઠ પર હળવા હાથે 10 મિનિટ સુધી મસાજ કરો. આ ઉપાય પણ રોજ રાત્રે કરવો તેનાથી થોડા જ દિવસમાં ફરક જોવા મળશે.
એલોવેરા જેલને હોઠ પર લગાવી તે સુકાઈ જાય ત્યાં સુધી રાહ જોવી. હોઠ સુકાઈ જાય ત્યારબાદ હુંફાળા પાણીથી તેને ધોઈ લો. રોજ હોઠ પર તાજું જેલ જ લગાવવું. તેનાથી પણ મેલાનિનનું સ્તર ઘટે છે.
અડધી ચમચી હળદરમાં દૂધ ઉમેરી અને પેસ્ટ તૈયાર કરો. આ પેસ્ટને હોઠ પર લગાવી 10 મિનિટ રહેવા દો. ત્યારબાદ ચહેરો ધોઈ અને મોઈશ્ચરાઈઝર લગાવો.