Bihotz Ibarzabal Zabala’s Post

Hesiak hautsiz <3. Eguneroko bizitzan murgilduta, nik behintzat, egiten dudan lan guztia ahazteko joera izaten dut. Eta momentu garrantzitsuak publikatzeaz bakarrik oroitzen naiz: egindako proiektuak, lortutako sariak, hitzaldiak… Beraz, eraiki ditudan hesiak hautsi nahi ditut. Aurreko astean Fabrikazio Aditiboko Gunea grabatzen egon nintzen IMH Campusen. Prozesu hau grabatzeak, teknologiei buruz ikasteaz gain, haien garrantzia eta industrian duen eragina komunikatzea ahalbidetzen dit. Nire erosotasun-eremutik kanpoko urrats txiki bakoitzak erronka berriei aurre egiten eta profesionalki zein pertsonalki hazten irakasten dit. <3.

Elkarlanerako espazio berriak <3. Lanbide Heziketa eta Unibertsitatea batu dira, elkarren arteko loturak eta joerak landu eta egi bihurtzeko. Unibertsitatea bukatu ostean, Lanbide Heziketara joateko joerak ohikoak ez direnez, nire kasua partekatu nahiko nuke: Nik Sorkuntza eta Diseinuko gradua amaitu ostean UPV/EHUn, Lanbide Heziketa aukeratu nuen nire lan mundurako bideak zabaltzeko eta nire ibilbidea ikusizko eta idatzizko komunikaziora bideratzeko Harrobia Ikastola FPn Marketin eta Publizitateko gradua burutuz. Ni bezala, beste ikasle asko gara, joera bat edo bestea hartzea erabaki dugunak. Ekimen garrantzitsua etorkizuneko ikasleentzat. <3.

Oholtza gainean… <3. Nire aurkezle sena lehen aldiz ateratzeko aukera izan nuen abenduan izandako Ekintzailetza Azokan. Harrobia Ikastola FP-k urtero antolatzen duen ekintzailetza bultzatzeko ekitaldi honetan, Marketin eta Publizitateko ikasleok paper garrantzitsua izan genuen: EKITALDIAREN ANTOLAKETA. Bertan, Nerea Aguilera Denis eta ni aurkezleak izan ginen, jendearen aurrean hitz egiteko gaitasunak lantzen eta publikoa entretenitzen; jardunaldia aurrera eramaten genuen bitartean. Barre eta urduritasun artean, hiru ekintzaile bikain elkarrizketatzeko aukera izan genuen: Malen Altuna Biteri (Benetan Zabiz? Podkastaren sortzaileetako bat), Iker Matesanz (Head Coach Crossfit Basauri) eta Urtzi Jaureguibeitia (Tellmewow enpresaren sortzaileetako bat). Eskerrak eman Bilbao Ekintzari utzitako espazioagatik, ikaragarria izan zen oholtza gainean bizitakoa. DEIA Noticias de Bizkaia artikulua: https://lnkd.in/dK9cDeRU <3.

%-eko ehun. <3. Egunerokotasuneko errutinan, ahaztu egiten gara deskonektatzeak eta gure osasun mentala eta fisikoa zaintzeko denbora bat eskaintzeak duen garrantziaz. Aste Santuko oporretan, neure buruarekiko etengabeko autoexijentziatik deskonektatzeko aukera izan dut. Konturatu naiz gauza guztietan % 100 ematearen ideala bilatzea ez dela errealista. Gure bizitzako alderdi bakoitzean perfekzionistak izaten saiatzen gara: azterketa batean 10 bat lortzea bilatuz, lan-esparruan akatsak egitea saihestuz, edo egunero kirola ez egiteagatik errudun sentituz. Etengabe, espektatiba irreal horiekin zigortzen dugu geure burua, eta, azkenean, bizitzaren benetako gozamena kentzen diogu geure buruari. Beraz, hausnarketa honekin, norbere burua zaintzearen garrantzia partekatu nahi dut. Bakoitzak bere modua aurkituz: kirola eginez, azala zainduz edo liburu on bat irakurriz. Garrantzitsuena modu kontzientean eta erregularrean egitea da, une horiek gure eguneroko errutinan integratuz. <3.

Zuetaz harro! #M8 <3.

1. SARIA irabazi dugu ETORKIZUNA KONKISTATZEN #shorts lehiaketan <3. ETHAZIk 10 urte bete ditu eta guk gure hare aletxoa utzi nahi izan dugu erronkaz betetako ibilbide honetan. Bideoa talde lanaren ingurukoa da, bakoitzaren rolak eta elkarren arteko loturak batuz gauza ikaragarriak egin daitezkeela adierazi nahi izan dugu. Lan bikaina talde! Inhar Gallastegui Segurola, Udane Ladislao Vázquez, Ander Gerrikaetxebarria eta Nikola Lauzirika Mendieta Harrobia Ikastola FP TKNIKA #ethazi <3.

Zerutxu Dantza Taldearen webgunea birsortzen <3. Zerutxu dantza taldea 1966. urtean sortu zen Markina-Xemeingo herrian, Bizkaiko Lea-Artibai eskualdearen bihotzean. 50 urte baino gehiagoko ibilbide honetan, euskal kultura, folklore, ohitura eta dantzak irakasten eta ezagutzera ematen aritu da, eta lan emankor hau Euskaran oinarrituz burutu du. Proiektu honetan, tradiziotik modernitaterako bidaia honi forma ematea izan da nire eginkizuna, estilo eta diseinu berritzaileak garatuz. Webguneko orrialde bakoitzaren xehetasun guztiak zainduz eta eraikiz. Euskal folklorearen edertasuna ikusteko edota Zerutxuren kapitulu berri honen partaide izateko, webgunea bisitatzera gonbidatzen zaitut! ⬇ https://zerutxu.eus/ <3.

Plazer bat izan da Lanbide Heziketa eta Unibertsitatea elkarlanean hasteko prozesu berri honen partaide eta ahotsetako bat izatea. Etorkizunerako hezkuntza eredu berritzaileak eta irisgarriak eraikitzeko denon artean. <3. Harrobia Ikastola FP