Íbúakosningu um sameiningu Tálknafjarðarhrepps og Vesturbyggðar lauk klukkan sex í dag og hefst talning atkvæða klukkan 20.00 kvöld.
Til að sameining gangi eftir þarf meirihluta íbúa beggja sveitarfélaga að vera samþykkur henni. 1.005 manns eru á kjörskrá – 200 í Tálknafirði og 805 í Vesturbyggð.
Talning atkvæða fer fram fyrir opnum dyrum svo almenningi gefist kostur á að vera viðstaddur eftir því sem húsrúm leyfir. Viðstöddum er gert að hlíta fyrirmælum kjörstjórnar og starfsfólks hennar á talningarstað.
Niðurstöður verða lesnar upp og sendar út í gegnum Facebook-síður sveitarfélaganna kl. 22:00 í kvöld.