ໝາກແຕງແອ / Bird Cucumber

ໝາກຂີ້ກາເປັນພືດປະເພດເຄືອ, ມີຂົນສີຂາວສັ້ນປົກຄຸມຢ່າງໜາແໜ້ນ, ເຄືອຍາວປະມານ 3 ມ. ໃບດ່ຽວ, ຈັບແບບສະຫຼັບ  ແລະ ມີມືເກາະຢູ່ທີ່ກົກໃບ, ແຜ່ນໃບຮູບໄຂ່ເກືອບມົນ 5 ຫຼ່ຽມ, ຂະໜາດປະມານ 10 x 15 ຊມ, ປາຍແຫຼມ, ແຜ່ນໃບຜິວຊາກຊາ, ບໍ່ລຽບ, ເສັ້ນໃບເປັນວ້ຳລົງເປັນຮ່ອງຕາມເສັ້ນໃບ, ຫຼັງໃບມີຂົນສັ້ນສີຂາວຈໍານວນຫຼາຍ, ກ້ານໃບມີສີຂຽວອ່ອນປົນເຫຼືອງຍາວ ແລະ ມີຂົນຊະນິດດຽວກັນກັບໃບ. ດອກດ່ຽວແຍກເພດກັນ, ເກິດຢູ່ງ່າມໃບ, ກີບດອກເປັນສີຂາວສ່ວນກົກເຊືອມຕິດກັນເປັນຫຼອດ, ແຕ່ປາຍແຍກອອກເປັນກີບ 4-5 ກີບ, ດອກເພດແມ່ຢູ່ຖານດອກຈະມີເຕົ້າໄຂ່ເປັນຊົງກົມ, ດອກເພດຜູ້ ບໍ່ມີໝາກ ຜີວລຽບ. ໝາກອ່ອນຈະມີສີຂຽວ ແລະ ມີສີຂາວເປັນລາຍກ່ານ ເມື່ອແກ່ໝາກຈະມີສີສົ້ມແດງ ພາຍໃນໝາກຈະມີເມັດຈໍານວນຫຼາຍ.