ໝາກແຕງແອ / Bird Cucumber
APA 6th ed. ໝາກແຕງແອ / Bird Cucumber. (2019, September 12). Retrieved from https://www.phakhaolao.la/kb/0000525
MLA 8th ed. ໝາກແຕງແອ / Bird Cucumber. Pha Khao Lao, 12 September 2019, https://www.phakhaolao.la/kb/0000525.
Chicago 17th ed. Pha Khao Lao. 2019. "ໝາກແຕງແອ / Bird Cucumber." Published September 12, 2019. https://www.phakhaolao.la/kb/0000525.
Gymnopetalum integrifolium (Roxb.) Kurz
Gymnopetalum leucostictum Miq.
Gymnopetalum leucostictum var. grandiflorum Hochr.
Gymnopetalum monoicum Gagnep.
Gymnopetalum monoicum var. incisa Gagnep.
Gymnopetalum monoicum var. incisum Gagnep.
Gymnopetalum weberi (Naudin) Cogn.
Trichosanthes integrifolia (Roxb.) Kurz
Trichosanthes scabra Lour.
Eng: Bird Cucumber
Chinese: 风瓜 feng gua
ໝາກຂີ້ກາເປັນພືດປະເພດເຄືອ, ມີຂົນສີຂາວສັ້ນປົກຄຸມຢ່າງໜາແໜ້ນ, ເຄືອຍາວປະມານ 3 ມ. ໃບດ່ຽວ, ຈັບແບບສະຫຼັບ ແລະ ມີມືເກາະຢູ່ທີ່ກົກໃບ, ແຜ່ນໃບຮູບໄຂ່ເກືອບມົນ 5 ຫຼ່ຽມ, ຂະໜາດປະມານ 10 x 15 ຊມ, ປາຍແຫຼມ, ແຜ່ນໃບຜິວຊາກຊາ, ບໍ່ລຽບ, ເສັ້ນໃບເປັນວ້ຳລົງເປັນຮ່ອງຕາມເສັ້ນໃບ, ຫຼັງໃບມີຂົນສັ້ນສີຂາວຈໍານວນຫຼາຍ, ກ້ານໃບມີສີຂຽວອ່ອນປົນເຫຼືອງຍາວ ແລະ ມີຂົນຊະນິດດຽວກັນກັບໃບ. ດອກດ່ຽວແຍກເພດກັນ, ເກິດຢູ່ງ່າມໃບ, ກີບດອກເປັນສີຂາວສ່ວນກົກເຊືອມຕິດກັນເປັນຫຼອດ, ແຕ່ປາຍແຍກອອກເປັນກີບ 4-5 ກີບ, ດອກເພດແມ່ຢູ່ຖານດອກຈະມີເຕົ້າໄຂ່ເປັນຊົງກົມ, ດອກເພດຜູ້ ບໍ່ມີໝາກ ຜີວລຽບ. ໝາກອ່ອນຈະມີສີຂຽວ ແລະ ມີສີຂາວເປັນລາຍກ່ານ ເມື່ອແກ່ໝາກຈະມີສີສົ້ມແດງ ພາຍໃນໝາກຈະມີເມັດຈໍານວນຫຼາຍ.
ໝາກຂີ້ກາສັບພະຄຸນເປັນຢາດີຫຼາຍຢ່າງ: ໃບ: ມີລົດຂົມ ນໍາໄປຕໍາເພື່ອໃຊ້ພອກຕຸ່ມຝີ ຫຼື ທາແກ້ພະຍາດຜິວໜັງອັກເສບ. ຫົວ: ມີລົດຂົມ, ຊ່ວຍບໍາລຸງຫົວໃຈ, ແກ້ມ້າມຍ້ອຍ, ແກ້ອາການເຈັບຫົວ. ໝາກ: ມີລົດຂົມ ຊ່ວຍບໍາລຸງນໍ້າບີ, ແກ້ຜິດເສມຫະ ແລະ ເລືອດ, ໃຊ້ຄວັນຮົມແກ້ຫືດ. ທັງເຄືອ: ມີລົດຂົມ ໃຊ້ຕົ້ມອາບແກ້ເມັດຜົດຜືນຄັນ, ໄຂ້ຜິດ. ຕົ້ມດືມ ຊ່ວຍບໍາລຸງນໍ້າບີ, ແກ້ໄອເປັນເລືອດ.