'Espacio Local' cumple 10 años d'actividá artística dende l'autoxestión

Un espaciu que xune a artistes de delles disciplines

'Espacio Local' ye un espaciu autoxestionáu que xune a artistes de delles disciplines y xente venceyao al mundu artísticu. Cumple’l so décimu aniversariu con una esposición, baxo l’epígrafe 'La Colectiva', con 76 obres.

Son 45 socios los que participen en 'Espacio Local', que puen esponer los sos trabayos y convidar a otres persones. L’interés medrante fizo que tengan que restrinxir nuevos inxerimientos. Yá tien la so axenda enllena hasta 2026.

'La Colectiva', que se fai una vegada al añu, conmemora esta vegada’l décimu aniversariu. Na amuesa hai nomes afitaos con otros noveles.

Hai sitiu pa propuestes alternatives qu’a vegaes nun alcuentren espaciu nel circuitu cultural y que seya una sala pequeña tien les sos ventayes.

Esti vienres inaugúrase 'La Colectiva' y tolos xueves abren les sos puertes.