La Frantscha na vul betg prender si migrantas e migrants ch'èn fugids sin l'insla mediterrana taliana Lampedusa. Quai ha ditg il minister da l'intern franzos Gérald Darmanin a l'emettur da televisiun «TF1».
Legenda:
L'emna passada ha il president communal da Lampedusa avertì e ditg che las forzas na tanschian per supportar las bleras persunas arrivadas sur la mar mediterrana.
RTR
I dettia en Frantscha ed en l'Italia sco en l'entira Europa migraziun irregulara che stoppia vegnir cumbattida, argumentescha Darmanin. La Frantscha haja offrì a l'Italia da gidar a repatriar persunas en pajais cun las qualas Paris haja bunas relaziuns diplomaticas. L'emna passada avevan pliras milli migrantas e migrants cuntanschì l'insla Lampedusa cun la bartga.
audio
Per tadlar: las novitads da las 08:00
ord RTR Audio dals 20.09.2023.
laschar ir. Durada: 3 minutas 19 Secundas.
