Waar die Kaapstad-metro voorheen in talle hofuitsprake verhoed is om teen besetters van munisipale grond op te tree, is daar nou in ’n nuwe hofuitspraak bevind dat hy in Distrik Ses dié munisipale verpligting moet nakom.
Regter Judy Cloete het in ’n uitspraak in die aansoek deur die beheerliggaam van die woonstelgebou The Six bevind daar is verskeie verordeninge wat die metro verplig om op te tree.
Die beheerliggaam se aansoek is in November verlede jaar en weer in Februarie vanjaar in die hooggeregshof in Kaapstad aangehoor en Cloete het haar uitspraak op 26 April gelewer.