SILIPIN: 8 pelikula sa 2023 Summer Metro Manila Film Festival
MANILA, Philippines — Napili na ang walong pelikulang opisyal na lalahok sa kauna-unahang Summer Metro Manila Film Festival ngayong 2023, bagay na tatlong taon nang na-delay dahil sa COVID-19 pandemic.
Matatandaang umabot sa 33 pelikula ang isinumite ng mga movie producer para sa summer edition ng MMFF, bagay na kadalasang isinasagawa tuwing Disyembre.
Kabilang sa walong official entries ang sumusunod:
- "Apag" ni Brillante Mendoza
- "Single Bells" ni Fifth Solomon
- "About Us But Not About Us" ni Jun Robles Lana
- "Kahit Maputi na ang Buhok Ko" ni Joven M. Tan
- "Unravel: A Swiss Side Love Story" ni RC delos Reyes
- "Here Comes the Groom" ni Chris Martinez
- "'Yung Libro sa Napanuod Ko" ni Bela Padilla
- "Love You Long Time" ni JP Habac
Kapansin-pansing bibida ang naghiwalay na mag-asawang sina Kylie Padilla ("Unravel: A Swiss Side Love Story") at Aljur Abrenica ("Singlebells"), ang huli ay idinadawit sa pangangaliwa raw ng aktor sa aktres kasama ng sexy star na si AJ Raval.
Makakatambal naman ni Bela Padilla sa pelikulang "'Yung Libro sa Napanuod Ko" ang Korean actor na si Yoo Min-Gon.
Sinasabing pinili ang walong entries gamit ang sumusunod na criteria:
- artistic excellence: 40%
- commercial appeal: 40%
- Filipino cultural sensibility: 10%
- global appeal: 10%
"The first Summer MMFF will run in all cinemas nationwide from April 8 to 18, with the Parade of Stars scheduled to be held in Quezon City on April 1 and the Awards Night will take place on April 11," wika ng MMFF sa kanilang opisyal na Facebook page nitong ika-19 ng Pebrero.
Ang 33 submissions noong nakaraan ang pinakamaraming bilang ng film submissions sa kasaysayan ng MMFF.
- Latest
